هذا القصيد في الوالد الله يرحمه ويغفرله (أبو نواف) اتمنا اقدر أرضيه حتى بعد موته


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يابوي ومهما قلت من كلمات

صغيره في كبر حقك بس اتمنى تعذرني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايبه ارجع كافي ابجلس معك لو لحظات

واقبل ايدك ورجلك وافرش لك رمش عيني

يايبه ما تحملهم يقولوا فات ما قد مات

تعالي غير هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتى تصحيني

يايبه ارجع تكفى وطفي شمعة الآهات

ابيك انت ولا غيرك على موتك تعزيني

وضمني وداويني مثل ما كانت الهقوات

ما ابي احدن يواسيني ابيك انت تواسيني

دخيلك بس لا تبكي اذا شفت بي الدمعات




تحياااااااااااتي

 

 

الله يرحمه ويسكنه فسيح جناته

اللهم امين..

صح لسانك يانواف

ودمت بود

 

 

أميـــــــــــــــــــــــــــــــــــــــــن يارب
الله يرحمه ويرحم موتى المسلمين

يسلموووووووو أختي دلع على مرورك الرائع
ألف شكر على كلماتك المعبره
تقبلي تحياتي واحترامي
أخوك / عاشق الامل (معانق سابقا)

 

 

الله يرحمه يابونواف ومن خلف لم يمت
وصح لسانك على هذة المرثيه الحلووة وعسى والدك في جنت الخلد وجميع المسلمين اجمعين .

 

 

أمين يارب
يسلموووووووووووووووو أخوي بائع على ردك الكريم

أخوي ترا أنا نواف مو أبو نواف
تقبل تحياتي وألف شكر لمرورك الرائع

 

 

الله يرحم ابوك ويسك الفردوس

مشكور اخوي

دمت يالغلا

 

 

يسلمووووووووووووووووووو أخوي مسترعلى مرورك الرائع
امين يارب ويرحم موتى المسلمين
تقبل تحياتي ياالغلا