ادخل وشوف معنى اسمك بالتراث




ياحظ من هو نصيبه سلطان طاريه يهز الناس ما يوم هان .
· واللي نصيبه هزّاع للشدايد دوم فزّاع.
· و محمد لي عن جميع الناس بالمعاني مفنّد.
· و ذياب سريع الجواب , عتيد الصواب , كريم النصاب .
· و منصور محب الزود , بدهن العود مشور .
· و خالد مناة العين له يوم ان تشاهد .
· و حامد بروح النشامه يجبرك له تساند .
· و فلاح لي صكّت الدروب بين المجالس طاريه فاح .
· و سحمي اسم ٍ لمعني , و شدّني للثريّا , بروح نشمي .
· حمد ما يوم خذل من ناشده السند .
· و فيصل كما برق ٍ في السما صقل .
· و ظافر بسمي المخابن ينشهد له , لي من بد خلق الله يشرح الخاطر .
· و علي لي هب خفي , للمنايا راسه ما ينحني .
· و عبد الله بطيب قلبه يملكك يشهد الله .
· و جمعه بنور خدّ ه يسعدك لو تصدّه .
· و طحنون حلو العيون , لاتحسبه بضيقتك مغبون , لو تطلب عيونه ممنون .
· و خلفان شرا العود حرقان , للمعاني دوم صعدان .
· و سعيد لقياه عيد لو كان عنك بعيد .
· و ابراهيم خوي ٍ لطلبتك حاظر و مديم .
· و أحمد من صلفه تلقاه في السما عربد .
· و بطي ياره هب شقي , من نسل ٍ مخيّر و منتقي .
· و سهيل اسم ٍ و رسم ٍ و خلق ٍ وافر ٍ كما السيل .
· و مبارك للمنصب الراكز تلقاه يعارك .
· و سيف يغمرك بالعطف , و حبه للمدايح ما هو بزيف .
· و سالم راعي المكارم للبخل تلقاه ناقم .
· و عمر بحر غمر , يقصر دونه الفخر .
· و غانم شيخ ٍ صارم , جلد ٍ بالحكم حازم .
· و صقر باسم الثغر , حلو الشعر , بقربه يحلى السهر.


البنات

ميثاء جيون ٍ بين الدرر من نسل ٍ كريم ٍ منتقى .
· الريم حور عين من شافها مجبور يهيم .
· فاطمة شروا البدر في السما غصب بارقة .
· سـلامة للروح صيّادة بين الغزر دانة .
· شــــــمّا حلوة الهمه.دوم في القمـــه وأكيد من خذها بيتهنّى .
· وديمة بالحلا زينة والروح فحبها رهينة .
· وعاشة باللطافة تصبح النفس بخير وسهالة .
· واليازية بوصلها هداية وبالغلا دوم حيازة.
· والصغيرة روح ٍ سميّة , ذربة معاني , معصومة خطيّة .
· وشيخة تشعل الجو هيبة , وللضراير تغدي لك رفيقة .
· وموزة حلوة الشوفة , وقربها تراه اكبر فوزه.
· وخولة نادرة الزلّة , لاتلوم مناظرها لي الهوى شلّة .
· وشمسة خجل وحشمة , لباغيها لا حشىهب سهلة اللمسة .
· وصنعاء مشهودة بالحيا , وذكرها سامي ٍ بين كل الملا .
· وغريسة فغياها عيني سكيرة , وش عاد لو تناظرها عيني حقيقة .
· والّنيرة ماتملها من سيرة , بخلطة العنبر مثيرة .
· مهرة روح ٍ سمحة , غضيّة طرف , فقلبك متسّمرة .
· وحصة وسمة ٍ شرا الجمرة , لهيبها يسعد لو هو شظيّة .
· ولطيفة غزيّل ٍ فلّة , عود موز ٍ تقول دمانيّة .
· والعنود مفارقها ميهود , بين الناس عشقها مفنود .
· وعفراء بالذكا صقرة , تنهبك وماتندم بحسرة .
· وهند اسم بين العرب مشهور , ومن غيرها بمكانها يسد .
· وحمدة ماتكثّر الرمسة , ذربة وماتسمع لها همسة .
· وعلياء اسم ٍ مرنّق بالحلا , توهبك السعادة بالوحاة .
· ومديّة فبعدها روحك شقيّة , وفقربها نفسك هنيّة , ولا تزورها الا ومعك هديّة .
· وآمنة بين البنات دلع وغناجة , وفقربها كل السعد والشراغة .
· وميرا بالعيون الخجلى تفتنك , وتصد عنها من عليها يقسى .
· وسلمى عين المها , مثلها صعب تلقى


انشاء الله كل واحد يحصل اسمه

 

 

مشكووور ويعطيك العافية يارب

بس مالقيت اسمي

لك كل الود والاحترام

حنين

 

 

خساره اسمي بعد ماهو موجود

بس هو موجود وماهو موجود مااادري وشلون تجي هذه

بس المعنى يختلف.

وباين على الاسامي اسماي اماراتيه...


مشكور يالربيع والله يعطيك العافيه

ومن تقدم الى تقدم بأذن الله

دمت بود

 

 

يسلمووو ربيع على الأسامي ومعانيها


بس خساره بغيت اعرف معنى اسمي بس مو معاهم

الله لا يحرمنا منك ولا من مواضيعك

 

 

مشكووووور

بس اسمي متدااااول لكن ماهو موجود





لك ودي

 

 

انا كمان ما لاقيت اسمى

المفروض يكون فى جزء تانى للأسماء

مشكور يا اخى

 

 

ما لاقيت اسمى