عز القصيد اللي يوفيك رسمك
انته غريب اوصاف ياسيدي حيل

اشوف فيك علوم مع خف دمك
تعجز حروف الشعر يااجمل الجيل

طيبه وصيت واصل خالك وعمك
واخلاقك اللي ترهب القال والقيل

احلم بشوفك واختلي بك واضمك
وانسى معك ضيقي وتصبح تساهيل

ياوردة البستان مااقدر اشمك
اسقيك بيدي والحرس تعتلي الخيل

ادري بشوقك واعرف اني اهمك
مير الظروف القاسيه عدلها ميل

في نومتي فزيت اناديك باسمك
واصحى على فرقاك اجر المواويل

اغلى امنياتي اسمع اسمي بفمك
واحس قطرات الندى عذبه تسيل


وسلامتكم
أخوكمـ
سعودي أصيل