.. لعنبو ( قصة غرام ) كل أبوها كلمتين ..
.. ابتدينا عند ( أحبك ) وانتهينا عند ( باي ) ..
.. تونا ما مشينا في ( الهوى ) لو خطوتين ..
.. ( وانتهى ) الموضوع كله حتى ما أعرف وش خطاي ..
.. وانتهت قصة ( حياتي ) بكل سهولة تحكمين ..
.. ( وين أحبك ؟ وين أريدك ؟ وين ساكن في حشاي ؟ ) ..
.. يمكن إنك ( ما وفيتي ) يوم جيتي تعشقين ..
.. ويمكن إنك تحسبيني ( بتبعك ) من دون راي ..
.. ويمكن أصلاً ما عشقتي بس كنتي ( تلعبين ) ..
.. ويمكن إنك ما وصلتي في هواك ( لمستواي ) ..
.. ويمكن إنك ما عرفتي ( فالحقيقة ) وش تبين ..
.. ويمكن إني خنت نفسي يوم أعطيتك ( وفاي ) ..
.. علميني ( فالهوى ) يا جاهله وش تعرفين ..
.. تعرفين إنك غديتي شي يجري في ( دماي ) ..
.. علميني في ( العطاء والتضحية ) وش تفهمين ..
.. لعنبو حبك عشانك بعت ( أقرب أقرباي ) ..
.. كنت أحطك في ( عيوني ) تسرحين وتمرحين ..
.. كنت أشيل ( هموم قلبك ) وأرمي همومي وراي ..
.. كنت أطير من السعادة يوم أشوفك ( تضحكين ) ..
.. كنت أظن إن ( قلبك ) ما سكن وسطه سواي ..
.. ما وعيت إلا وأنتي في خفوقي ( تطعنين ) ..
.. ما وعيت إلا سيفك ( بالحشا ) رايح وجاي ..
.. ورده أي والله ورده بس عرفتي ( تجرحين ) ..
.. كل شي فيني جريح إلا ( فخامة كبرياي ) ..
.. ما تأثرت ( بغيابك ) وش يعني دمعتين ..
.. بكرة أنسى صدقيني وأرجع ( بكامل قواي ) ..
.. داري إن أحنا ( افترقنا ) بس أبفهم حاجتين ..
.. علميني وش كسبتي علميني وش ( خطاي ) ..
.. أصلاً الموضوع كله ( ما تعدا كلمتين ) ..
.. ( التقينا عند أحبك وافترقنا عند باي ) ..