معليش ابي منكم ردودكم وأرائكم
وبكل صراحه وصدق
_________________
انا اعرف وحده تحب واحد من اربع سنوات وهو يقول انه يحبها
بس انا اشوف غير كلامه لها اهي تحبه بس اهو ما يحبها
ودايم يجرحها ويهينها كثير والمصيبه كل جرح اقوى من الي قبله
واهي من زود حبها له تسامحه من غير ما يعتذر لها
وساكته على كذبه ووعوده الزايفه
بس قبل اسبوع جرحها وهانها بكل برود
واهي لأول مره تاخذ موقف وتبعد عنه
والمصيبه انه ما فكر يعتذر لها بالعكس قال باعتني

هاه قلولي وش رايكم فيهم ........
يحبها....؟ ترجعله......؟ تسامحه.......؟
ومن الي ما يستاهل الثاني........؟؟؟؟؟؟؟؟
ابي ردودكم بأسرع وقت ممكن وبكل صراحه تكفون.
ويعطيكم العافيه.

 

 

ان متل مابتحكي لا طبعا ماترجع لانو الانسان له كرامه ولازم يحافظ عليا مهما كان الانسان الي يحبه

 

 

وهل تعتقدين هذا حبا !!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

لا عزيزتي ..

على العموم شكرا وتسلم الانامل الحلوة على الجهد الطيب

بايجاد اراء صائبة ... لنفكر اولا ... لايوجد حب من غير احترام متبادل ؟ وتفاهم وانسجام ؟

وبهذا الوصف لاتوجد ابسط مقومات الحب

تحياتي

 

 

أولا اقول خليها تتريا النصيب احسن لها .. محد يضمن هالعلاقات وين توصل الشخص !

بس دام انج طلبتي راينا ف الموضوع ف بقول رايي ،،،

فديـــتج اربع سنوات مب شوي ...
دام انه هالفتره كلها وياها و هو يجرحها و يهينها تتوقعين بيتغير اسلوبه و الا بيحترمها !!!!
هي عودته من البدايه و تقبلت اهاناته ، و هو صار عادي عنده الموضوع يمكن لانه واثق انها ما راح تقدر تودره !
قولي لها خل تضغط على نفسها و ما تسامحه ع الاهانات و الجذب .. اي شي ما يعجبها بكلامه بنفس الوقت تحاوره و تقول فلان لا تكلمني بالاسلوب هذا، بس طبعا هي و اسلوبها، لا تعطيه مجال يهينها اكثر، الله خلقنا معززين مكرمين .. لو ما اعتذر مشكلته، ما في شي يجبرها تتحمله ..
حبيبتي خليها تحب نفسها شوي و تعزها، لا تتوقعين انه هو بيرجع و بيعتذر لانه ما تعود ع الشي هذا
و صدقيني هو متأكد انها بتسامحه و هو مستغل ضعفها و حبها له
لا يأثر عليها بكلامه لما يقول باعتنــي .. هو انتي بتشترين شي يعذبج و يتعبج ؟!!!
خليها تشتري راحتها و اذا هو يحبها مثل ما يقول بيحاول يصلح الوضع عشان ما تبتعد عنه مب يقعد و يقول باعتني !!
و دامج تقولين يجذب و وعوده زايفة تتوقعين هالعلاقة ناجحه اصلا ... اذا من اولها زيف و جذب و ما في ثقة ..
الحب مب أقوال و بس ... هي أفعال، خليها تفكر بعقلها و خل العواطف ع صوب

والسموحه لو غثيتج بكلامي ،، هذي وجهه نظري
تقبلي مروري الشيخه ...

 

 

انا رائي من رأي محد شراتي.....

فعلا لازم تحب نفسها وتفكر بعقلها وتترك مشاعرها وعواطفها على جنب والحب بذل وتضحيه من الطرفين مو من طرف ... والله يكتب لها الي فيه الخير.......

مشكوره عيوني النجلاء .............وتقبلي مروري..

 

 

العلاقات من هالنوع غير مجديه البته

تنتظر علاقه طاهره بالنور أفضل لها

أتسأل لم تحتمل الإهانه؟؟؟؟؟؟؟؟؟؟

خلق الله الناس احرارا ولهم شموخ فلم تهين نفسها وتقبل ان يجعلها كعبدة تستجديه ؟؟؟؟

أشكر لك هذا الطرح

دمتي

 

 

إذا كان عندها شوية كرامة لنفسها لاترجعله ..
4 سنوات وكلها إهانآت وتسمي هالعلاقة حب .. للأسف هذا مو حب !!
هي توهم نفسها يمكن ...
الرجال شاف إنها متعلقة فيه .. وممكن أي شي يطلبه راح تنفذهـ له ..
ومهما أهانها يشوفها تتعلق اكثر واكثر .. وممكن إنها تحط نفسها هي الغلطانة وهالشي عاجبه ..
عموما هالنوع من العلاقات نهايته معروفة ..
ياليت تنصحيها وتقوليلها اتركي قلبك على جهة وفكري بعلقك
لاتفكري إنه حبيبك اعتبريه مجرد شخص سمعت قصته .. وشوفي بتفكيرك هل هو غلطان ؟؟ هل يستاهل هالحب والتضحية ..؟؟
(مشكلة البنات عاطفيات بزيادهـ .. وإذا حبت أعطت كل شي .. وتنعمي عن الحقيقة )

بالنهاية إللي ربي كاتبه افضلها ..
ياليت تقوليلها هالشخص مو آخر رجال بالدنيا ..
إن شاء الله ربي يعوضها بالافضل .. وبعلاقة شريفة ونظيفة وواضحة ..
آسفة ع الإطالة ..
الله يثبتها ببعدها عنه ..
وياليت تاخذ لها موعظة من إللي صارلها ..
دعواتي لها ولكِ وللكل بالستر ..