ضاقت دروب الوصـال المجرهـده !!=في عيون اللي من الضيقه .. سراها !!
عزتي .. للي زمانـه صـار ضـده !!=وش بقى .. لا كفّت الدنيـا يداهـا !!
خالفه وقتـه .. وللضيقـه يحـده !!=ثوّر البنـدق وثـارت فـي خباهـا !!
راح عمره .. ما تحقق مـا يـوده !!=وديمة همومه على صـدره غثاهـا !!
شانت اطباع الزمن .. هزله وجـده !!=وزلة الوافي .. كبيره عن سواهـا !!
ومن يقول الصبر ينهي كـل شـده !!=ما تحس النـار رجـل ٍمـا تطاهـا !!
ومن يفصّل ثوب لا ماهـوب قـده !!=لا يضيق .. ان كان نفسه ما كساها !!
هيه .. ياللي تستحي من هرج بـده !!=لا تقول .. الناس ما ترحم عصاهـا !!
ادري ان اللي علـى درب المـوده !!=يكتم الحسرات صـدره .. ويتباهـا !!
لو ضحك .. مقهور والفرقـا تهـده !!=كلمتين .. وجابت عيونـه مداهـا !!
في مشاويـر الغـلا روحـه ورده !!=منتهاهـا .. مبتداهـا .. منتهاهـا !!
والهنوف اللي سطت فالقلـب مـده !!=لايجي في بالها .. تقصـر خطاهـا !!
جادل ٍ فـي حكـم قلبـي مستبـده !!=ليتها ترفـق علـى قلـب ٍ هواهـا !!
كنّها .. من حكـم هتلـر مستمـده !!=استباحـت دم قلبـي مـن غلاهـا !!
ايييه .. ابا وقف جفاها عنـد حـده !!=لين .. تدري ويش سوابي جفاهـا !!
قلبي اللي مـن غلاهـا فـاح نـده !!=كيف تجفى من خفوقه فـي رجاهـا !!
بعد ما جـارت علـى قلبـي تقـده !!=كيف راحت من خلاها فـي خلاهـا !!
اييييه .. قلبي من غلاها باح سـده !!=واييييه .. عيني من جفاها هل ماها !!
علموها .. لا تزيد الصـد .. صـده !!=لا تعلقني .. علـى رجـوى لقاهـا !!
وعلموها .. ما بقى فالحيـل شـده !!=تلحق اللي راح قلبـه مـن جفاهـا !!