من روائع الشاعرات بل من افضل الشاعرات
وانا شخصيا من المحبين لقصيدها الرائع ..
الشاعره (( الراسيه المريـه )) تقــول :

رحت ادور في وجيه عداي للخوه صديـق
لين ضاقت بي يمينـي .. ومليـت تعبـي

أحسبنـي لاتعزويـت بلقـالـي رفـيـق
لارفيـق .. ولاعـدوٍ.. ولاحتـى صبـي

آه ياثقل الخطـاوي علـى ذاك الطريـق
طحت من طولي على الدرب الأمحق بركبي

للزمن مبـدا ومبـداي مـا أظنـه يفيـق
لعنبو مبدأ الصراحـه احـس انـه غبـي

البحر تحت السفينه وهـي شبـة حريـق
والسما تمطـر وذا الغيـم مافـاد لهبـي

والحيـاة وفلسفتهـا وفزعـات الفريـق
علموني كيف الأجناب تطمع فـي عنبـي

(يامضاوي يامضاوي) يازفرات الشهيـق
ماحدن غيـرك اليـا راح يبكيـه هدبـي

من خلق وجه الليالي وانا مالـي شقيـق
غيـر حزنـن لالفانـي تلقانـي يحـبـي

قمت البـي لالمحتـه واذا اقفـا اضيـق
ضيقة اللي شايف الضيم في وجه أعربّـي

ولالفاني فز قلبـي مثـل فـزة عشيـق
جا يرحب بي وانا اموووت لاقال ارحبـي

ارحبي يالعنبو المـوت فعيـون الغريـق
يهبي شعرن يخذلـك وانـا حـي يهبـي

الشعر لوهـو مقيـد بفكـه لـك طليـق
والرسن بيديـك وانتـي تمنـي واطلبـي

اقسمي باللـي خلقنـي وبالبيـت العتيـق
والا فريها على ( مصـر) وحيـاة النبـي

انـي بحضـرة جنابـك اذا جيتـي اليـق
والا فضيها.. وقولي قطيعـه وش تبـي؟؟

وأهجريني يضرب الحب والجرح العميـق
هجرة اللي ماوفا لـي ولا طـال شنبـي

احسبنـي لاتعزويـت بلقـالـي رفـيـق
لارفيـق.. ولاعـدو ..ولاحتـى صـبـي

من عرفت الدمع الأسود وانا حزني صديق
لعنبو حزنن اليـا طحـت ماوقـا ركبـي


( الراسية )

ماننحرم من مشاركاتك وتميزك الدائم
ولك خالص احترامي وتقديري

جميله جدا نسيت ألف شكر لنقلك الرائع ..

يعطيك الف عافيه ع النقل
دمت بكل ود