الهوى الغايب

إذا التقينا يوم 000 ولاعرفتيني
فلا عليك لوم000 شاب الزمن فيني
انا الهوى الغايب
أنا اللي كان 00 ذاك الزمان وقت ومكان
أنا اللي كان 00 في نظرة عيونك حنان
ومضه في عتمات المسا00
فرحة فؤادي اللي نسى
بسمة صباحك00
دمعة جراحك
خاطر عبر مرة في حياتك
انا الهوى الغايب

في ليله عشتها عمري00 لموعد انتهى بدري
رسمت احلام00 وعشت ايام
و غنيت الهوى إنغام
وكنت الهوى للقلب00
وكنت الوطن للحب
ولو غيرت وجهي مسافات السنين
ماتختفي في العين نظرات الحنين
انا الهوى الغايب

ياللي تركتيني00 وخاواني الغياب
رحتي ونسيتيني00 وتذكرني العذاب
سارت بي الايام في غربة حياه
لاطريق امشيه أو اعرف مداه
زحمة وجوه وعابرين
لاروح فيها او حنين
ولاشبه منك في عيون الناظرين
جيتك على غفلة زمن
هيا قبل يصحى الزمن
انهى عذبات الشجن
انا الهوى الغايب ابو نورة




هذا المساء

هذا المسا للحب وللشوق وللمواعيد
هذا المسا في القلب شمع واغاني وعيد
هذا المسا لك انت مهما تكون بعيد
وينك حبيبي .. قبل الشفق مايغيب
تدري حبيبي .. كل الصبر تعذيب
مدري سحابه شال .. ولاشعاعه جيد
هب الهوى آمال .. وهب الهوى تنهيد

للحب اللوان السما بعد الغروب
زهر البساتين مصابيح الدروب
للحب ماتخفي القلوب من الهوا وتحكي القلوب
وتمر في صدري هبوب00 لو مر طيف يشبهك
وأصدق الليل الكذوب .. وإلا أنت محدٍ يشبهك

الشمس غابت و المدى جمر ورماد
وينك حبيبي ياترى وين الميعاد
وقبل الامل ماينطفي في ناظري يصبح سواد
لمحت في العتمه سنا ..وجهك حبيبي ضحكتك
وقبل ياعمري أنا .. شوقك يسابق خطوتك
وينك حبيبي .. قبل الشفق مايغيب
تدري حبيبي.. كل الصبر تعذيب
هذا المسا لك انت مهما تكون بعيد

ابو نورة




مغرورة

حبيبتي أميرة في النساء
تومض في ناظرها الكبرياء

جاد لها الحسن بما تشتهي
واعطيت من دهرها ماتشاء

يقول عنها الناس مغروره!
ويلي من الناس من الأغبياء

ماقيمة الحسن إذا لم يكن
فوق حدود الوهم فوق الرجاء؟

وهل عشقنا البدر لو أنه
خرّ إلى الأرض وعاف السماء؟

ابو نورة



أحوال

أنا مقدر أكون أني حبيب في بعض احوال
انا كلي اجي والا اروح بعزتي كلي
خذاني لك سؤال في عيونك والجواب محال
خذاني منك دمع في عيوني مارضى ذلّي
أنا اخترت الفراق ومادريت ان الفراق وصال
اقول إني نسيتك بس مدري كيف توصل لي
تجيني في الاغاني في السوالف في سؤال الحال
تجيني كل ماشميت عطرك ويتخيلي
رحلت انت وتركت لخاطري طيفك وصبر طال
غدت ذكراك شمس ماتغيب وصورتك ظلي
حكيت ومالقيت من الحكي إلا الندم موال
سكت ومت بالحسره ولا أدري وشهو أحسن لي
أحبك كل مافيني يحبك ياخلي البال
تخيلتك دواي وصرت جرحي الصعب ياخلي
تعبت ارحل مع وجيه البشر بنساك بالترحال
ولا ادري وش يجيبك في وجيه الناس وأهلي

ابو نورة




تعجبيني

تعجبيني في غرورك واعتزازك
وتتعبيني في ميولك وانحيازك
انتِ يا النجمه البديعه الحالمه بين النجوم
ذكرياتك في خيالي ماتنوم
وان نسيتك ذكريني
واسلى الذكرى بمزاجك

رغم تجريح الخواطر وقلتها وآله وأبيك
الجوارح والمشاعر كل لحظه تحتريك
ياهواي اللي طيوره في سماروحي تحوم
راضي بلفح السموم
اسعديني وعذبيني
وارسلي الذكرى بمزاجك

وأن ظميت بنظره عيونك أنا اروي ظماي
وان بكيت بهمتك لاغردت انسى عناي
ماظلمتك ماظلمتيني ولا فينا ظلوم
ياعسى العشره تدوم
انتي يأاجمل سنيني
ارسلي الذكرى بمزاجك

ابو نورة




ما تمنيتك

ماتمنيتك لانك كنت ابعد من خيالي
ماخطر في بالي مره اني ممكن اوصلك
كنت اشوفك مثل نجم في السما ساطع وعالي
يابعيد وجابك الله لين عندي وصلك
جيتني مثل الشروق اللي محا عتم الليالي
جيت فرحه للحزين اللي من همومه هلك
جيتني وانت يحبك ألف محبوب بدالي
سخرك سبحانه اللي في عيوني كملك
هو صحيح احنا التقينا هو صحيح انت قبالي
هو صحيح اني حبيبك كان لي حق أسألك
كانني احلم طلبتك خلني هايم لحالي
خلني بالحلم عايش فيه دامي به معك
ممتلي بالحب قلبي وغير قلبي قلب مالي
اهدني قلبك حبيبي خلني فيه عشقك

ابو نورة




حبيب الحب

حبيب الحب00 يالحب وحبيبي
نفس روحي00بعد روحي وحالي
سنه مرت وشمسك ماتغيبي
عن عيوني00 وعن قلبي00وبالي
إذا بعدك قدر هذا نصيبي
وإذا حظي قدر00 ياطيب فالي
سنين العمر تسألني واجيبي
على ذكراك وحضورك سؤالي
تواريخك تمر00 وتلتقي بي
وتنساني وتذكرك الليالي
تخّير من هداياالورد طيبي
ولا تختار00 لاعيادك بدالي
يازينك وانت سارح وتحكي بي
طرالك بالمحبه00ماطرالي
احسك حيل من قلبي قريبي
تدلل00لك على كل الدلالي
يسافر بي غلاك وينتحي بي
عن الدنيا ويجنح بي خيالي
صباحي خير وجروحي تطيبي
صباحك ياصباح العمر غالي
عسى ظني بنورك مايخيبي
وعساني مانحرم من شوفك قبالي
شموعك يوم حبك تحتفي بي
لقلبي ضيّ ولعمري ظلالي
حبيبي كل سنه وانت حبيبي
حبيب الحب ياحبي إلحالي

ابو نورة




تعال

تعال وانظر في خفوقي وسارع
الصبر طال وخايف يتلفه ياس
عجزت وانا مع خفوقي اصارع
حبك ولذة شوفتك واجمل احساس
شديت احساسي بأسلوب بارع
وخليتني في الناس ماني من الناس
ودقات قلبي من غلاك تقارع
قرع الطبول إلى احتمى الدم في الراس
ياعين حر في سما المجد فارع
يأغلى من الدانات وأغلى من الماس
معك الهوى دون لفه وشارع
من دون بوابه ومن دون حرّاس
أرضٍ وسيعه وامتلت بالمدارع
زرعت فيها صادق الحب بإحساس
وحصدت عكس اللي انا كنت زارع
غرسة هجر حصدتها دون غرّاس

ابو نورة