أصاحبي اللي مفهموني وأنا حي = ما همني يبكوا علي اذا مت
تذبل بصدري اعروق ما شفتهم ري = جفت بساتيني أبد ما تكلمت
مكوي على صدري وآآهي من الكي = والله ما عاتبتهم يوم أو لمت
لي اشتد قيض أوجاعهم جيتهم في = لا يحسبوني عن سهر دمعهم نمت
كم بت في بحر الوجع ملتوي لي = جوني شواطي ( آه ) من حبهم عمت
أشعلت أصابع وحدتي لجلهم ضي = وأنا بليل البرد شفني تكومت
ذبحت لجل اعيونهم كلمت ( شوي ) = وضميت خنجر حاجتي ولا تألمت
والله مابي من فرحهم ولا شي = لني بوادي حزن جرح الوفا همت
هم مادروا عني وأنا عادني حي = وشلون يدروا بي اذا شفتني مت