كل مازاد العمر همـي يـزود
وكل مايبقى من العمر اختصار
حتى لو قلنا ياعمر الورد عود
وش لقينا غير تعذيب ومـرار
مالقينا دروبنا سهـود ومهـود
مالحقنا يالقهر شـوف النهـار
غربة وكربة وحرمان وقيـود
ونظرة يسكن بها ألف انكسـار
ماخذينا يالصبر غير الوعـود
أحسب ان اسمي بهاالدنيا انتظار
العذاب إني مخيـر بالوجـود
والقهر مالي بخطواتي قـــرار
غير جود الهم ماشـيٍ يجـود
لين أحس الدمع إلى مِن طاح نار
والله ماقلته ياذاك العمر عـود
وانا مالي بالزمن ذاك إعتبــار
وش لقينا غير صدات وجحود
ماترك لي قاسي الوقـت اختيـار
كثر مافات العمر همي يـزو
الجـروح كثار والباقـي اختصـار
(للمبدعه/غريبة الدار)
الإهداءات
كل ما زاد العمر
العرض العادي
