ياقلب تكفى

الـشـايب · 02-02-08, 12:22 PM

ياقلب تكفى الله الله بغاليك= تراه عندي عن قبيله لحاله
معك خشر فيني وجاك وخشر فيك= إلين صرنا كلبونا حلاله
كوّش علي وياك ياهيك ياهيك= الاوله طيبه والاخرى حياله
والاوله تغني عن الثانيه ذيك= والثانيه لعيون خلي سهاله
يعني شنو لا استعرض شوي تكتيك؟!!= حب يعرف هو صدق واسع خياله!!
ولاّ الغلا ياقلب مافيه تشكيك= احكم عليينا السيطره لا محاله
تبغي الصحيح؟ انه معه (صك تميلك)= هو (إكتتب) حبي وانا راس ماله
والحين ياقلبي تراني موصّيك= في خلي تكفى لا تضيع الجماله
لو غاب عنّك يوم..يومين.. ياتيك= ياتيك واشواقه تسابق ظلاله
لا تقعد تعاتِبه وتقول وش فيك؟=وتذكّره في غيبته وانشغاله
قلّه هلا..مليون.. ارحب.. يالبيك= ياسيد كل الحسن وعمه وخاله
ولا قام يصوّت قل يالبى عراويك= خلّه يحس بقيمته وبجماله
ولا اخطى له بكلمه فلا كنه يعنيك= خلّه يشكّل مابدى من دلاله
وان قال انا مخطي ؟ فضمّه بياديك= وقلّه ابد ماخطيت كلّك عداله
ولا قال احبك قل انا ذايبٍ فيك= وقله وصل حبك لحد الثماله
ناهيك تكدّر خاطر الزين ناهيك= ترى ان زعل يبطي معقّد هلاله
ولامن زعل اكيد ماهو معشيك= والرجل ملزومٍ يعشي عواله
فان طعتني ياقلب ربي محييك= وكانك عصيت انشهد ان بك خباله

! εïз-[ ρяίηcεss · 02-02-08, 03:50 PM

صح لسانك وأعتلى شانك ..

روووعه وبغاية الجمال .../ ألف شكر ..

نتريا جديدك ...

مودتي ..

ஐܓعنــــــــــودالصيدܓஐ · 02-02-08, 06:34 PM

يعطيك العافيه

وتسلم يمينك عللى الابيات الرائعه

نتظر منك كل جديد.....

روعة الإحساس · 02-02-08, 07:11 PM

يعطيك العافيه

ننتظر جديدك

ج ـيهان · 03-02-08, 02:52 AM

السلام عليكم ورحمة الله وبركاته

صح لسانك و سلم بنانك ,,
و لا هنت ع ها البوح الرائع ,,
قصيده شامخه كشموخ صاحبها ,,
دمتَ بلباس التميز و النقاء ,,

مودتي لكَ ,,