نـــوف

هزتنـي الذكـرى بطاريـك يانـوف

وجريت لي ونه من اقصى المعاليـق

يسقي زمانن فات يازهـرة الجـوف

يوم القمر ساطـع بليـل العشاشيـق

يانوف كلن في زمانـه لـه ظـروف

وتحده الدنيـا علـى غيـر مايطيـق

اليوم دونك جيش وارخايـة سيـوف

مع وقفتن فيها يبـى ينشـف الريـق

وعن ماتريد النفس نوخنـي الخـوف

خوفي من الله ثـم حكـي المخاليـق

اللي ليا شافوا على الغيـر صـادوف

علـى الصفـا يلقـون للهرج تعليـق

والشوك لامنه نشب داخل الصـوف

لازم يمـزق جسـم راعيـه تمزيـق

يانوف انا معروف وابـوي معـروف

من ماكرن مجنـاه روس الشواهيـق

ماني مع** والخطايا لـي ضيـوف

ولاني هدف لملصق الهـرج تلصيـق

والذيب لوهو كل ليله يبـى يحـوف

لابـد ماتعثـره سـهـوم التفافـيـق

من بندقن مامدها اللي يبـى يـروف

ينقش بها الأبره ومـن صابتـه عيـق

ولا الغلا منقوش في داخل الجـوف

ولاني من اللـي ينقضـون المواثيـق

يابـو نهـودن تـو زمـن ووقـوف

يابو خدودن مثـل ريـش الغرانيـق

يابو ردوف فوقها الخصـر ملهـوف

يابو جديلن مثـل شمـس التشاريـق

ياعنق ريمن قادلـه جولـة خشـوف

برضن كساهـا الله بنبـت الزماليـق

غـلاك والله لافنـى يالغـلا لــوف

وانشهد انـه طـوق القلـب تطويـق

سريت ليلي مع نغم جورج وسـوف

أهيم مـع طيفـك واجـر الطواريـق

و تطرقني الذكرى كما طرق عاصوف

لغصـون سـدرن ليناتـن مواريـق

في سجن حبك صرت يالترف موقوف

حاكمتني مـن دون تهمـه وتحقيـق

لكن تراي بخير لـو كنـت مكتـوف

مـادام بيبانـه بوجـهـي مغالـيـق


شكرا سعد,,

موضوع جميل ومحاوله جيده

فى انتظار جديدك

تحيااااااااااااااتى لك

مع خالص حبى كات جيرل

من ذوقك يابعدي يسلمووو على المرور

ال ..... وشسمه منور
تشاااو

القصيــده ليست محاوله

بل موزونه تماماً ولا تكسير فيها ..

صح لسانكـ ودمت ..

يسلمو خيو ع المرور
ومشاركتك لها دور

تدوم بود