قصيده لـ سعودالفـــــــهد

غريــب الـدار · 18-01-08, 11:36 AM

قصيده للشاعر الرائع سعود الفهد المريخي المطيرى

قلبي يناشدني يبي شي مفقود *** عن حاجة من غير وده فقدها

يسأل وانا دنقت من دون مردود *** عجزت اطلع كلمة يعتمدها

ماقلت لا ضايع ولاقلت موجود *** سكت ماكنه لروحي نشدها

اخفيت ماكنيت والجوف ملهود *** والنار في روحي تزايد وقدها

عليك ياللي تفتن الناس بالسود *** سود العيون اللي فوادي عبدها

وجدي وجود ام الولد زوجة العود *** اللي نهار الكون داسو ولدها

جضت لشوفه بين شاهد ومشهود *** وعضت عليه ابهامها من نكدها

وجتله تلمه والحشاء منه مسرود *** والدم من جوفه مغطي جسدها

وصاحت بصيحه مالها حد وحدود *** وجرت شعرها من بلاها بيدها

وراحت تجيب العود من قلة الفود *** تشكي تقول انه توفى سندها

وابوه شاف ومات حسره ومضهود *** وبقت عجوزه في سكنها وحدها

عليك ياحلو البها ناعم العود **** حلو الليالي لاتغير عهدها

ارفق بحال سعود ياغاية سعود **** انا دخيلك لاتربط عقدها

لعلها تنال اعجابكــــــــم

رومانسية · 26-01-08, 02:01 PM

يعطيك العافيه

رنيم المشاعر · 28-01-08, 03:08 PM

سلمت يمين الشاعر

لك الشكر على النقل الجميل

؛ ஜ ؛

ضحكة الورد

غريــب الـدار · 05-02-08, 04:07 AM

الله يعافيك رومنسيه

ضحكة الورد ياهلابك

نورتما متصفحى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)