هذه القصيده الحزينه والمبكيه !! كتبتها اختنا الكريمه ام/عبدالله
والتي افتقدت ابنها الغالي عليها ... (عبدالله) عبودي
واصبحت لاتراه إلا مرات معدوده في السنه الواحدهـ !!!
!
!يالله .....
!
!
ما اقسى قلوووب البشر .!!.
!
!
وكيف يحكمون بمثل هذه الاحكام الجائره .. والتي تفرق بين قلب ام وطفلها !!
الذي يعتبر قطعة من جسدها الطاهر !!!


وهذي القصيدة منشدهـــا أبو نواف << والله يوم سمعتها بصوته إني بكيــت





ما انساك لو تسبح بالأنهار هالطير=ولو طارت الأسماك وأقفى بحرهـا
ولو أعلنو إسلام شـارون وبليـر=والا نست بنـت الحمايـل أثرهـا
غالي ولك بالقلـب حـبٍّ وتقديـر=مكانتـك بالقلـب محـدٍ خبـرهـا
أبكـي بليلـي والنهـار بتفاكـيـر=وآخذ من الأحزان واشرب كدرهـا
وانشد عن الاخبار سرب العصافير=يا كود الاقي طيف يلمـح شجرهـا
يفز قلبي عنـد ( مامـا ) بتبشيـر=وافرح عسى ( عبدالله ) اللي ذكرها
ويغم قلبـي وأحـس فيـه تكسيـر=لا شفت لـي أمٍّ تراعـي زهرهـا
وأنا وجِنينـي أخلفتنـا المساييـر=عِـدة ليالـي أو تكمِّـل شهـرهـا
من عقب ماهوبالحضن كنّـه أميـر=أقفت به الدنيـا وحفَّـت خطرهـا
عزِّي لقلـبٍٍ ذاق هـم المشاويـر=من بعد فرقى دنيتـي مـع قمرهـا
يارب يا اللـي حكمتـك بالتقاديـر=ترحم حياتي مـن سعايـر جمرهـا
ويالله يا اللي عالـمٍ كـل تقصيـر=تلطف بحالي يـوم قلبـي خسرهـا
وتـرد لـي وداعتـي دون تغييـر=وتحيي رياضي من سحايب مطرها
ويالله ترضيني بما صـار ويصيـر=ومصيبتي يـارب اقصـر سفرهـا
وصلاة ربي عِدّ مـا خِـط تقريـر=على النبي داوى القلوب وعمرهـا







منـــقول