مره قاعده في مجلس مثل واسمع موقف واحده من الكبار .

تقول شفت شحاذ وجايب معه (روشته) وصفة دواء ويقول جملتهم الشهيره انا محتاج دواء.انا مصاب بمدري وشو؟! وانا وانا وانا وانا

المهم تقول :

قلت له هات (الروشته) انا اجيب لك الدواء ؟

تقول يوم قلت له كذا؟قال لا انا اجيبه؟

قلت لا اذا تبي انا اشتري لك.

ال**ده ان الشحاد راح وخلاه.

::

وانا في السوق اطيح لكم بذيك (الهنديه) العجوز اللي تلبس عبايه على الراس ونظاره وموب طالع من نقابها الا عيونها. وبيدها (روشته) وطبعا انا مسويه نفسي فالحه؟! قلت لها تعالي معي للصيدليه انا اشتري لك الدواء. الا ماصدقت خبر؟!لحقتني؟ وكل خمس ثواني التفت وراي واقول لها تراني من جد اتكلم؟ شاريه لك شاريه لك الدواء الله لا يعوق من شر

وهي تقول شكرا شكرا. وامشي شوي وحاسه انها نصابه وارجع واقول لها هذا دوا مين؟

ويوم وصلنا وعند الباب ويوم يأست منها قلت لها ترى (فيه هرام انت مايبغا دواء انا في خساره)

وادخل عند الصيدليه وادفع الله يخلف (80) ريال وهي تنظر لي بذيك النظره اللي مافهمتها الا السنه اللي بعدها. من جد نظرت لي بنظرة سخريه وتهكم واستهبال بعد. وكني احس ان في عقلها يدور هالكلام:

على بالها؟انها بتسوي ذكيه؟

خليها تستاهل عشان ماتستذكي مره ثانيه؟

لو انها دافعه خمسه ريال ولا عشره كان اصرف لها؟

بس خلها عشان تعلم (خوياتها) انهم مايستذكون على شحادين؟

المهم بعدها جتني حاله نفسيه من اللي يشحدون كلهم؟!

صرت اتنرفز اذا شفت احد ووجهي (ينقلب الوان) وارد برد شرس وماله داعي؟

كل ماشفت واحد قلت له؟

ليش ماتشتغل؟

شحمك ذا وش فايدته؟!

وهاليدين والرجلين اللي جلعهن الكسر؟زايدات



***


الشحاذين اعتبرهم مشكله اجتماعيه قويه ومعاناه


فعلاً هذا حال المجتمعات عندنا ..
و الله الطرارين صاروا أغنى منا حتى ..
بصراحة في منهم من يستاهل تدفع له لأن حالته تعوّر القلب ..
لكن في منهم لا .. و يستاهل الضرب بعد ..
لأنهم قواي عين .. ما يستحون و لا يشكرون الله على النعمة ..

صدق و الله هالمقولة اللي تقول :
" طرار و يتشرَّط "

موقف صار مع وحده تقول:

مرة كنا ماشيين بالسوق أنا و ثنتين من خواتي ..
رايحين نشتري غرض و راجعين البيت على طول .. إلا يوقف قدامنا طرار شايب نوعاً ما .. عاد كسر خاطرنا و قلنا يستاهل حرام ما نعطيه ..
اختي قالت أنا بعطيه ..
أعطته مبلغ إلا يرد عليها الشايب و يقول لها : " بس هذا ؟؟ " ..
و شوي و بيمشي إلا اختي تقول له : تعال تعال عطني اللي عطيتك .. و أخذت منه المبلغ .. و قالت له : ما تستاهل .. و مشينا عنه ..

يمكن كثير يقولون إن هذه قسوة في تعاملنا مع الشايب ..
لكن أنا اقول لا .. هو لو صدق محتاج ما استهزء بالمبلغ اللي عيطيناه إياه .. و حمد ربه و شكره لو على ريال واحد مثلاً ..
لكن هو مو محتاج ..

::

كيف التعامل الصحيح مع هالفئه من الناس؟
اتمنى اشوف ردودكم وآرآءكم

تعرفي عنود ع ابواب الجامعه بيوقف اولاد صغار بس شبرين عن الارض طوول ويجرو ورا البنات يشحتو منهم وتسمعي عبارات " ربي يخلي لك حبيبك !!!!!!!! ربنا يزوجك !!!!!!!!! ربنا ينجحك في الامتحان "

طبعا عشان تعطيه فلوس او تشتري له شي... وبعدين مايفك عن البنت الا وهو ماخد اي شي اما حسنه او شوته خخخخ...

والظريف في الموضوع انو الاولاد هدوول مابيروحو ناحيه الشباب ابدا لان معروف الشاب بيديه شوته من بعيد قبل لايقرب الشحات الصغير ,,,


من ناحيتي انا بسوي ودن من طين ودن من عجينه هههههههههههههه بس معي مصروفي مابدي اعطيه وانا اجلس بدون شي !!!!!!!!!!!!

لو كل الاشخاص بيسو هيك بس تجاهل متل هادول المتسولين اللي بيتعلمو من هم صغار هالمهنه الغيرطبيعيه وسهله في نفس الوقت كان اختفت تقريبا ظاهره التسول ,,,,,,

وكمان لازم الحكومه تسوي لهم بالنسبه للاطفال متل مراكز تعليم المهن حتى يتعلمو مهنه مستقبليه تفيدهم

بالنسبه للكبار بالسن الحكومه تسوي لهم مراكز ايواء واللي كبير شوي مو عجوز يعني ممكن انو يتعلم مهنه يستفيد منها

والله اعلم

مشكوره يالغلا على المرور

يعطيكي الف الف عافيه على الموضوع الجميل


بس في بعضهم والله من جد مساكين يعني محتاجين وفي بعضهم

نصابين


عنود الصيد لا تحرمينا من جديدك


تقبلي مرررووووررري

يسلمو قلبي على مرورك