إنت أغلى مـن سكـن قلبـي وحلـه وإنـت اول حـب فـي قلبـي نزيـل
وإنت اكبر مـن كـلام الحـب كلـه وإنت مـن دونـك حياتـي تستحيـل
انتـي اول مـن يظللـنـي بظـلـه وانتي اول مـن عـرف قلبـي دليـل
انتي (نور") فـي حياتـي مـا أملـه وانتي كوكب بالهواء الطلق (العليـل)
لما افرح (ينسى قلبـك كـل علـه ) ولما اشكي (من البلاء جاك ) المثيـل
في وجودك انسـى همـي واستقلـه وفـي غيابـك ارجـع لهمـي ذليـل
حبـك إلـي فـي خفوقـي مايشلـه حـب سـاره أو حنـان أو هـديـل
أشهـد إنـك بـدر والباقيـن أهلـه والكلام إن طال فـي وصفـك قليـل
من حنانك ارتـوي مـن غيـر دلـه ومن كلامـك انهـل العلـم الجليـل
كم ضحكتي لاجل دمعـي مـا اهلـه كم بكيتـي لا غـدى جسمـي عليـل
كم تعبتي كـم شقيتـي العمـر كلـه غايتـك افـرح ولـو همـك ثقـيـل
كل درب (ن) غير دربـك مـا ادلـه ما يجي فـي قـدرك الغالـي بديـل
يـا معانـي الطيـب لله والــف لله لا انسى معروفـك ولا أنكـر جميـل
ارخص الدنيـا وابيـع الكـون كلـه لاجل عينك يا جعـل عمـرك طويـل
ياعسى الله يحفظك لـي ياعسـى الله تاج راسي ودنيتي وحبـي الاصيـل.
لـو بـيـدي ماتمـسـك اي عـلـه والله ان الـروح فـي حقـك قلـيـل
ووالله انـك بالمحـبـه مستحـلـه كل عرق(ن) فـي خفوقـي بالجميـل
حبك الغالـي فـي قلبـي ( محلـه ) طالعـي فـي عينـي تلقيـن الدليـل
عمرك انتي ما رضيتـي لـي مذلـه انتـي امـي مـا الاقـي لـك مثيـل
المشاعـر فـي حظـورك مسفهلـه ياعسى عمرك بعـد قلبـي طويـل
حبك اللـي حـل قلبـي وإستحلـه ماأضن له بالحشـى حـب(ن) مثيـل
كل شبر(ن)في وسط هالقلـب كلـه صار في قلبـي يسـاوي ألـف ميـل
لو نويـت أشيـل لـك ألفيـن شلـه مايكيفي بك شعـر لـو هـو جزيـل
وكل ماحسيـت فـي خاطـرك علـه قمت أدعـي ياعساهـا بـس تزيـل
يمه شفتي القمر شفتي نـوره وظلـه شفتي جمال الأرض وطـول النخيـل
شفتـي كـل هالكـون شفتيـه كلـه مايساوي شي فـي جمالـك ياجميـل
يمه من بحر حنانك يمتلي قلبي فلـه ويتراقص نغم قلبي مع الهواء العليـل
يمه انتِ الدواء لقلبي ولكل وجع وعله وانتِ لقلبي النغـم الراقـي الاصيـل

صح لسانك ومحاوله ممتازه

بأنتظار جديدك

لوون القمر

يعطيك العافية