السلام عليكم ورحمة الله

بسم الله الرحمن الرحيم

هذي اول مشاركة الي لا تكولون اول ما فات اتهجم علينا لا والله اني من قهري واني مو جنت اريد تكون اول مشاركة الي هذا الموضوع بس شسوي من كلام الي قريته خلوني انزل باول مشاركة هالموضوع
اول شي اكول مبروك الكاس للعرب مو بس للعراق ولو السعودية اخذت الكاس احنا مو مقهورين بالعكس فرحانين لان الكاس عربي
بس لو احنا العراقيين ما اخذنا الكاس

ما كان وكفنا سبينا المنتخب السعودي وكلنا اخذو بالغش والحكم وكف معاهم

اني ما اكول الشعب السعودي كلو سب المنتخب مالنا بس اكول اكو بعض من السعوديين سبو منتخبنا والله عمرنا ما خسرنا وسبينا المنتخب الخسرناه بس اني دخلت معظم المنتديات العربية واكثرها سعودية وشفت والله العظيم مسبات من نوع الي واحد ما يعجبو يقراها ما خلوا احترام للعراقيين الي داخليين بي والله اني انقهرت فد مرة لان جانت المسبات ما حلوة وعمرنا ما سبينا منتخب خسرناه بالعكس والله نفرحله لان هو منتخب عربي بالعكس المفروض كلنا انصير ايد وحدة لاننا عرب مو اعداء وكلهم يكولون يونس اتحيل باللاعب الي ضربه على انفة بكيفهم يحكمون ما يكولون اتأذى وما يكولون لمن لعبنا بكاس الخليج ياسر القحطاني اتحيل ووكع نفسه وسواها جزاء وكل الحكام العرب كالوا انو هذي غلطة ما المفروض الحكم يسويها جزاء والدليل انو الحكم بعد المبارة وفوز المنتخب السعودي قرر الاعتزال لان جانت الغلطة منه هو الحكم واني اكول للسعوديين الي سبونا الله يجازيهم واكول للي هنونا بارك الله بيكم وهذي المنتديات الي دخلتها كلهم يكولون والسعوديين الي بيهم ويستهزئون بكلامنا والله انجرحنا من بعض السعوديين ما يكولون هذ الشعب مجروح اول مرة ياخذ الكاس نفرحلة فرح بلده وفرح العالم كله والعراقيين الي خارج العراق هذولة ما شافوا فرحة العراقيين الي صارلهم اربع سنين ماشايفين فرحة ماكو ببلدهم غير القتل والدم اليجري مثل البحر واليوم الوحيد الي فاز بي العراق جان اول يوم من اربع سنين ما يستشهد بي ولا عراقي لو العرب ما يجي على كلبهم يوم العراق يفرح اصلا العراق من وكع وكعت بوابة العرب اني ما امدح بلدي بس اظهر الحق الي المفروض يظهر من زمان وارجع واكول احنا مستحيل نسب اي منتخب عربي خسرنا لا بالعكس والله يشهد علينا انو طول ما هو منتخب عربي فحنا فرحانيين واحب اكول كلمة اخيرة انو معظم السعوديين وكفوا وكالوا الكاس ماراح بعيد راح على بلد جريح واني اشكر ومن كل كلبي هذولة السعوديين الي والله هما تاج عالراس بس اكول اكو بعض السعوديين سبونا وهذا المنتدى دخلت قريت الردود وانقهرت والله بس ياريت الكل ترد على موضوعي وتشوف شلون العراقيين انجرحوا جرح من السعوديين يكفيهم الجرح الي بيهم
واحب اضيف انو المنتديات الي دخلتها الاعضاء السعوديين الي بيها يكولون اصلا اللاعبيين العراقيين كانوا كانهم يتعاركون ياعيني هذا اللعب هيجي بعدين السعوديين كل ما احد يخسرهم هيجي يسبونهم ويحجون عليهم

الكااااااااااااااااااااس عربي وليس عراقي وياريت تصلكم كلكم اعضاء المنتدى ولا احد ينزعج من كلامي من اعضاء المنتدى لان اني ما حجيت الا الحق وحبيت اطرح هذا الموضوع والله من قهري واريد كل من يرد على موضوعي يحجي الحق واتذكّروا انو الكاس يبقى عربي مو بس عراقي ولو السعودية اخذته كان ظلينا انكول المهم الكاس عربي احسن من ان ياخذا اجنبي وحيالله العرب وكل المسلمين

والسلام عليكم ورحمة الله