كيف ترفع ضغط مشرف المنتدي؟؟؟؟؟؟؟؟؟؟؟

gugu_1 · 15-07-07, 12:05 AM

كيف ترفع ضغط مشرف المنتدى..؟)

عزيزي العضو اللي مخربها وخاطره يرفع ضغط المشرفين..يتبع التعليمات التاليه..وسيجد نفسه مطرود مع التحيه

ما عليك الا انك تفتح اذناك وتسمعني عدل..وانا اضمن لك كل شئ مع قطع الغيار

وكل شئ موضح بالامثله لتسهيل استخدامها>>نحن في خدمة الشعب<<
__________________________________
1)ادخل اي منتدى واكتب موضوع ماله دخل بالمنتدي ،،الموضوع في وادي والمنتدى في وادي

مثال>>اكتب موضوع رياضي في منتدى اسلامي

ويفضل لو تكتب عليه((ارجو التثبيت))>> يصير لها طعم احلى

2)خذ لك موضوع توه جديد في المنتدى انسخه واكتبه باسمك مره ثانيه بنفس المنتدى

ويفضل لو تكتب عليه((فكره جديده))

هنا المشرف يدوخ مايدري وين المكرر علشان يحذفه

3)لا تشارك في اي منتدى ولا ترد على حد..وبعدين اطلب من الاداره تحطك عضو فعال ،، وكل يوم

ارسل.. تظلم اذا ماعطوك وجه

صدقني اذا ماقالولك اقلب وجهك...فاضمن انهم بيرقونك الى عضو غثه

4)اكتب موضوع في مجلس الشكاوي والاقتراحات((الفزعه ياشباب))>> طبعا بيجيك المشرف

طااااااااير

واكتب في الموضوع ((واحد صفر)) وحذالها صورة واحد يضحك

>>في هذي اضمن لك البوز يجي لخشتك وانت توك تكتب الموضوع<<

5)شكك في اي موضوع يطرح في المنتدى..في كل موضوع قول((كاني شايفه بمنتدى ثاني))

>خل العالم يفهم انه مسروق<

6)ادخل على اي موضوع مثبت،،واكتب عليه.....للرفع

>وفي هذي بتطلع بكرامتك من المنتدى <

7)حاول ترد على المواضيع الجديمه>>>>>يعني طلع الغبار

والجديده خلها تنزل...........كذا تقلب القسم حقه فوق تحت

8)شوف لك مشرف او مشرفه وتلزق فيه........كل يوم ارسله رسايل خاصه تقول له

وش رايك في ذاك الموضوع احس انه ماوصل احذفه تكفى.........والا ذاك الموضوع رهيب ثبته تكفى
>>هني المشرف يكره اليوم اللي صار فيه مشرف على هالمنتدى<<

9)دقق في املاءات المشرفين........ورد عليهم فقط لتصحيح الاخطاء الاملائيه ولا تجيب طاري

الموضوع
وعندما تصل حالة تهورك الى درجة الغليان ما عليك الا::

10)يوم بيعينون اي مشرف جديد..ابداء تكلم عن الواسطه وانه مايستاهل ولمح ان الاداره ماعند
ها

سالفه

>> وهذي تغنيك عن كل الوسائل اللي راحت<<

من الحين اقولكم اذا طردوكم انا مالي خص

سنـــدريـــللا · 15-07-07, 02:35 AM

هههههااااااااااااااااااي
وربي هذا من ثااااااااني موضوع ينطرد
<<< فاطسه ضحك

جوجو
كل البنووووود نذاله في نذاله
وتقهر كماااااااااااااااان
يسلموووو عالموضوع

حلمي بعيد · 15-07-07, 02:49 AM

خخخخخخخخخخخخخخخخخخخخخخخخخخخخ

من جد كلها نذاله بس لا تسويها انتبه..
يسلموووووووووووووووووو

alfares · 15-07-07, 04:39 AM

يشيخ والله موضوعك رايق من زمان ابي ارفع ضغط المشرفين في المنتديات اشهد انك جبت الغايبة بس تدري ماراح اسويها اخاف من البوز..........
حبايبنا المشرفين والله وتسلم على الموضوع.

أعلنت الرحيل · 15-07-07, 06:21 AM

أوه أوه أوه
ليه كل ذا؟؟؟
لا تشارك بالمنتدى من البدايه أصرف...
يسلمووووووووو أختي عالموضوع ال(.......)