«®°•.¸.•°°•.¸¸.•°°•.¸.•°®» بسم الله الرحمن الرحيم «®°•.¸.•°°•.¸¸.•°°•.¸.•°®»


السلام عليكم ورحمة الله وبركاته ..



نــبــدأ بــالـــزور .... أبـــن الــزرزور ..



إللــي عــمـــره مــــــاكــــذب ولا حــــلــــف زور ..


ذبـــح بـــقـــــه وتـــــرس ســــبــــــعة قــــــــدور ..


وخــلـــى الــــشــــحـــوم واللــحـــوم على الــــصــــوانــــي تـــــدور ..



>>>> حشى قصة مو موضوع ..


بس لقرأتوا الموضوع والله بتقولون قصه .. ترى قتلكم من ألحين ..



ترى الموضوع شوي .. شوي .. طووووووويل ..


يعني جيبولكم " بيربيكان " .. معاه كم كيس شيبس .. وكم حبة شوكولاته ..


لأني تكلمت عن مشكله شبابنا وبناتنا وشملت فيها كل النواحي ..


مع أنه بالبداية يمكنن بخصص المشكلة في شباب الرياض ..


لأنهم هم من دفعني لطرح الموضوع ..


وبدخل بالموضوع علطوووووووول ..




>> سـافـرت للـريـاض <<


رحنا يوم الأربعاء .. طبعاً من أول مادخلتها ..


وأنا أنـاظر في المجمعات والمحلات والعماير ماشاء الله تبارك الرحمن ..


كل ماجيتها أنبهر بالتطور إللي يصير فيها .. شيء روعه .. كل شيء فيها يجنن ..


من ناحية النهضة العمرانية ماشاء الله تبارك الرحمن .. ماعليها كلام ..


بإزدياد .. اللهم زد وبارك .. وعسى الله يحفظها من كل مكروه ..


كل مره أشوف شيء جديد .. بإختصار مدينة جميلة بمعنى الكلمة ..


من أول مارحتلها حبيتها ... بصراحه أكثر حبيت كل شيء فيها إلا شيء واحد ..


وآآآآآآآه من هالشيء .. كل ماله بزدياد .. تعرفون أيش ؟

7

7

7


>> المـغـازل << .. أيش هذا .. أيش هذا ياشباب ؟!


سؤال يطرح نفسة .. أبغى أعرف كيف البنات يطلعون ويروحون ويجون ؟؟؟


الشباب ماشاء الله عليهم مش مخليين الواحد بحاله ..


في بعضهم >> البعض << .. عمايلهم عمايل .. مسويين العجب !!


والله صارتلي مواقف ماراح أنساها بحياتي ..


صحيح قعدت يومين بس شفت العجب بهاليومين .. كيف لو أكثر ..


والله حمدت ربي وشكرته أني مش ساكنة بالرياض ..


والله تصدقون بنمر الشارع أنا وأهلي عشان نروح المطعم ماقدرنا ..


كل واح يتغزل بكلام غير شكل .. إللي يمدح وإللي يقول عبارات ماتنقال .. !!!


وتعالوا شوفوا الكلام .. ناس كلام غزل .. وناس للأسف الذرابه مو لهم


كلام والله ماينقال " قلة أدب " بمعنى الكلمة .. والله يبغالهم قص بلسانهم ..


عبارات مدري من وين جايبينها .. ما أقول إلا الله يهديهم ..


من أول مادخلنا الرياض ماقصروا بالأستقبال .. شيء عجيب ..


كنا بشارع العليا .. وزححححححمممممممممه ماشاء الله ..


والله حسيت أني بدبي .. ذكرني " بشارع الرقه " وقت المهرجان ..


زحمه .. زحمه .. زحمه .. المهم ....


المهم رحنا المجمع وأنا رحت " لكشك " .. بشتري بطاقة شحن ..


قلت للرجال :: لو سمحت في بطاقة شحن سوا !!


إلا بصوت واحد جنبي .. (( فديتهم أنا )) ..آمري بكم تبين ؟؟


>>> بسم الله الرحمن الرحيم .. من وين طلع ذا ..!!


>> المغازلجي :: .... بس بطاقه قولي ثنتين ثلاث ..


آمري أنـا بشحنلك .. عطيني رقم جوالك وأشحنلك ..


لا حول ولا قوة إلا بالله ..


سكتت عنه وخليته هو الجدار واحد ..


الأخ شوي شوي يقرب ..


>> خير .. خير إن شاء الله ..


قتله > أقول ترى بناديلك الشرطي .. قالي أي شرطي إذا شفتيه سلمي عليه .. ههههههه > ياثقل دمه مغازلجي وينكت بعد !!


بس تدرون وهو الصادق " مجمع طول بعرض مافيه غير " سكيورتي " واحد

ولا قاعد بالشارع وش وظيفته الله أعلم .. ؟؟!


المشكله إللي يبيع هندي .. لو كان واحد عدل كان يمكن رفسه بالجدار ..


المهم خذت البطاقة ولحقني .. أنا بشحنلك لو تبين كل يوم خذي رقمي ..


شاف مافي فايده .. قالي > طيب يآخي نتعرف .. ؟؟


قلت : لا إله إلا الله .. يآخي كانك صايع ومو متربي وماتعرف العيب ..


فأنا " متربية " ... أهلي مربييني وأعرف العيب ..


الأخ الصايع >> طيب أنا أحب المتربيات << !!


>>> عاد هذا > صايع خالص < .. وشلون نفهمه ؟!


المهم مرت السالفه > هالأشكال تطبق عليهم مقوله >> الحقران يقطع المصران << ..


بس وش هذا ياربي وشلون حال الشباب وصل لكذا عاد أصدق أن ثلاث

أربعاهم نفس الطينه .. والله ماغير كم واحد الله يكملهم بعقلهم ..

رجــال ذربه " متربية على الأدب " .. والله عينهم ماتنشال من الأرض ..

يمشي وعينه بالقاع >> هذي الرجال والله << .. أما الباقي ..

ما أقول إلا بزران والله بزران .. رجال أخر زمن ..

كل واحد عينه يبغالها > ملح < ويمكن تسد نصه ..؟؟

أصدق وصل الحال فيهم لكذا .. ماباقي غير يخطفون البنات ..

الله يستر علينا وعلى بنات المسلمين يااااااااارب ؟؟

والله تذكرت موقف .. ودي أنزله بالجرايد ..

بداخل المجمع لحقونا أثنين صيع صياعه شـــيء رهيب ..

وأشكالهم تحفه .. واحد شعره كأن " قطوتين " متهاوشين بشعره ..!!


شعره ماشاء الله من كثر ماهو منفوش > ماله شكل < ..


والأخ الثاني إللي معاه تبارك الرحمن حاط بشعره


" عشرطعش " باروكه .. من كثر الشعر مافي مجال للبصيلات تتنفس ؟؟


المهم أنهم يخرعون وبس .. ولبسهم طبعاً تحففففففففه .. !!


اللهم لك الحمد والشكر على نعمة العقل ماأبغى أعلق أكثر ..


المشكله ملاحقينا من دخلنا المجمع ..


وحنا ماشيين شفنا " عند الدرج " سكيورتي "..


قلنا بنروح لجهته عشان البزران إللي ورانا لشافوه يمكن يخافون " يــمـــكــن "!!

لما قربنا من عنده إلا والعم " يـقـز " فينا ويبتسم ..


لا والله خوش " أمن " .. هذي أولها .. ومن شاف أولها عاف تاليها !؟!؟


شوي إلا أخينا " يـغـمـز " .. حسبي الله ونعم الوكيل ..


هذا إللي يقول ((( حـامـيـهـا حـرامـيـهـا )) .. !!!


هــذا وأنت إللي من الأمن كذا .... أجل ما نلوم الشباب !!


إذا هذي قدوتهم .. ونعمممم القدوة .. !!


والله هالدنيا عجيبه .. خلف الله على هالمجمع كان هذا أمنهم .. ؟!


بسأل سؤال بريء لكل شاب خاصة إللي بالرياض ..


بالأمانه هذا حال الشباب عندكم كل يوم .. ولا بس بأيام الإجازة ..


وبعدين لو هذا حالهم وين الأمن ووين الهيئة مافي حد يردعهم ..


مع أنه يقولون أن الأمن والهيئة مشددين عندهم ..

>>>>> بس ماشفت شيء والله .. والدليل حال الشباب يزداد ؟؟


حتى الوالد الله يحفظه قال: أبغى أعرف وشلون بنات هالبلد يطلعون ..

وشلون أهلهم يخلونهم يطلعون ويروحون لحالهم وعندهم شباب زي كذا ؟؟

الحمد لله أني مو ساكن بالرياض كان مانعتب باب البيت .. !!

وهو الصادق والله .. حتى مانفكر نطلع ..

مع أن حتى الصباح يوجد بعض الأخوان قاعدين .. موكلهم كم واحد ينعدون ..

ماهم مسووين ح** في منهم ناس يغازلون الصبح .. وناس بالليل ..

ويــاكثر شباب هالليل " شيء عجيب " ..

تصدقون لو حنا ساكنين بالرياض كنا حتى المطاعم والأسواق مانروحها إلا
الصبح ..كان كل من فيها بأشكال هالشباب !!

مافيها إلا قلائل والله ينعدون على الأصابع > عدلين < ..

أمـا البـاقي ((( فــلا تـعـلـيـق ))) !!!؟؟!!!

الحمد لله أني ساكنه بهالبلدة الحلوة .. صحيح فيها شباب صيع صياعه ..

بس والله العظيم مو زي " شباب الرياض " .. هناك فيهم شباب منحرفين

إنحراف غير شكل .. تعرفون ليش ؟؟

هنا عندنا من يردعهم .. مين يوقفهم عند حدهم ..

في كل مجمع عندنا بالقليل " أربع خمس " أمن ..

وفوق هذا كله عندنا الهيئة الله يحفظهم .. ويعطيهم الصحه والعافيه ويطول بعمرهم مو مقصرين .. بكل مجمع طول اليوم تلقاهم يدورون ..


سألت وحده من جماعتنا ساكنه بالرياض أقولها عن المناظر إللي شفناها ..

قالتلي :: والله ماشفتي شيء كملي أسبوع وبتحلفين ماتجين الرياض ثاني ..

تقول عندنا شباب والله يبغاله > حبس وجلد < ويالله يفيد فيهم ..

تقولي مايخافون من الله .. يسوون فعايل تشيب الراس ..

تقول والله إللي شفتيه يعتبر > أشياء بسيطه وتافهه < ..

في بلااااااااااوي بلاااااااااااوي تصير ..

بعضهم يلاحقون البنت لبيتها ولازم تآخذ الرقم وإن ماخذته لعنوا خيرها ..


الحمد لله أن ربي بعدنا عن هالأشكال ..


والله المواقف إللي صارتلي كثيرة والشباب كل واحد غير شكل ؟؟


بس لو بكتب عن هاليومين بكتب بهالصفحه كلها ..


ماأقول إلا الله يهديهم ويصلحهم ويحببهم بنبيهم بدال البنات ..


مع انه (( الحق ينقال )) .. أحط نص اللوم على البنات بعد .. بنات وش ذا ؟؟


مافي منكم غير كم وحده تنعد على الأصابع > عبايتها على راسها < ..


أما الباقي فماشاء الله .. عبايات فساتين .. تصميم لبناني بعد ..


إللي حاطه " تـايـجـر " من قفاها لقاع العبايه ..


وإللي مسوية حديقة ألوان " ألوان الطيف " كلها بعبايتها ..


أما منهم ماشاءالله .. بدال مايلبسون اللؤلؤ يحطونه بالعباية والشيله ..


شيء عجيب والله .. وفي منهم بعد تحفه .. حروف وأسامي ورسومات


مالها شكل ولا معنى ولا لها داعي أصلاً .. بس أهم شيء أنها تكون غريبه


>> خـالـف تـعـرف << .. عشان تلفت الأنظار ..


وهذا مقصد كل من يلبس كتف ويزين بعبايته .. ؟


يابنات الكتف كلها على بعضها حرام تقومون تزيدون الحرام فيها ..


زينة وألوان وخيوط وتطريزات ونقشات مالها داعي ..


وتقولون بعدين .. يــو ذبحونا هالشباب من الملاحق ..


مش مخلينا بحالنا >> مـنـكـم ياحلوين << .. لأنهم يشوفونكم لابسين هاللبس

يقولون هالبنات صيع وراعيات شباب شوفوا وش لابسين .. خلنا نلحقهم !!

وسوري على الكلمة بس أعلمي أن كل بنت بهالأشكال هذا مايقال عنها ..

وغير إللي ينقال عن أهلها .. أنتوا تجيبون الكلام لكم ولأهلكم مش حرام ..!!

والمكياج شيء عجيب .. أبسأل حد يحط مكياج للسوق !!

الناس مو أغبية .. تعرف أن كل من تحط " ميك أب " تحطة للفت الأنظار ..

وفي شيء بعد مستعجبه منه .. بنات كثير " لـثـام " .. ليه طيب ؟؟

خلت النقابات .. وياليت " لثامن" عدل .. أنفها كله طالع ؟!؟

والله العظيم دخلت " مجمع " ثلاث أرباع البنات " متلثمين " ..

علامة الجودة حقتهم > الخشم < .. وأعرف أن في منكم بيزعل من كلامي

بس بقول الحق ولو على قص رقبتي .. أنتوا بنات وإن ماخفت عليكم ماراح أنصحكم ..

أنا بطبعي صريحه .. وما أحب النفاق والكلام الفاضي مايعجبني ..

والمناظر إللي شفتها بعضكم ... وبرجع أقول البعض > البعض < مو الكل ..

بعيني شفت محدن قالي .. تعجبت والله عاد أغلبهم كذا والباقي كاشفين !!!

وعاد الكاشفين > صعبه أعلق < .. لأن التعليق في عقهم قليل !!

أشكالهم تحزن .. وصل مستوى البنات لكذا .. نزلتوا لمستوى ال؟؟؟؟

أيش أقول ماتوقعت في بنات يلاحقون الشباب ويلمونهم ..


وعلى فكرة والله العظيم والله ماتكلمت من فراغ ..

تكلمت من مناظر شفتها بعيني بالمجمع أمشي وأتعجب من أفعال البنات ..

يلاحقون الشباب حتى إللي شايل ولده وزوجته جنبه تلقاها لاصقه جنبه ...

غصب طيب تآخذ رقمي ..

وهالسوالف مو بس تصير بالرياض حتى عندنا بالشرقية ..

في بنات ماشاء الله اللهم لا حسد > ونعم التربية< .. تلاحق الرجال ملاحق ..

عيني عينك .. وسمعي عاد الكلام والحركات السخيفه .. > لا تـعـلـيـق< !!!!



وش هالبنات ياربي .. والله بنات شوارع .. مالهم وصف غير كذا !!

والله أفعالهم تشيب الراس .. وين أهلهم > هنا السؤال < ؟؟


ويــــــــــن الأهــــــــــــل ؟؟؟؟؟


كيف يخلونهم يطلعون على كيفهم ولحالهم بعد .. وكيف يخلونهم يطلعون بهالمناظر .. مكياج كامل وعبايات أشكال وألوان ؟؟؟؟؟؟

بس للمعلومية مو كثير ربع عدد الشباب إللي يغازلون ..

تقريباً كم بنت ودايماً ماتكون لحالها > يكون لها شريكة < عشان تعلمها ..

وفي بنات يتمشون ويسولفون وسمعي الضحك .. لاحول ولا قوة ..

فيك ضحكة روحي بيتك ضحكي لين يطلع من خشمك ..

بس مو قدام العالم > عشان تلفتين الإنتباه< ..


القصص كثيرة والمشاكل والبلاوي أكثر ..


وأعتذر على الإطاله .. بس حابه قبل ما أختم الموضوع أوجه أسئلة للكل ..


لكل شاب وبنت .. ليش وصل حال الشباب والبنات لكذا ؟؟


أيش هدفكم ؟؟ .. مع أني عارفه وش يبون يوصلون له !!


بس بسأل يمكن في هدف ثاني ما أعرفه ؟!


طيب لوصلوا لهدفكم .. وش يستفيدون !!


ولا شــيء غير الذنوب والوقوع في الكبارئر ..

ومصيركم بالأخر " سـوء الخاتمة والعياذ بالله " ..


أنا ودي أسأل شباب الرياض .. كيف أهلكم وخواتكم صابرين على هالحال


كيف موافقين على هالوضع المأساوي .. والله مـأساوي ..!!


لا هيئة ولا رقابة .. ولا حتى أمن " ينشد فيهم الظهر " ..



أصحوا يــــاشباب قبل ماطعنه تصحيكم .. إللي تسوونه ببنات الناس ..


بيجي الدور وحد بيسويه في بناتكم أو خواتكم ..


(( >> حـــاســبــوا أنــفــسكــم ..
قــبــل أن تــحاســبــوا << ))


وبالأخير ما أقول إلا الله يهدي كل شاب وشابة ..


والله يهديكم ياشباب وبنات .. ويحسن خاتمتكم ..


أعتذر إعتذار شـديـد على الإطاله .. بس الموضوع عطيته أقل من حقه ..


كان ودي أتكلم فيه أكثر بس ماأبغى القارئ يمل ..


وصدقوني لو كل واحد منكم سوا لوشيء بسيط لصالح هالشباب ..


والله .. والله ليصير حالهم غير هالحال ..


أعتذر إن كنت ضايقة حد بكلامي .. أو تكلمت بصراحة شديدة ..



وأعتذر مليووووووون مره على الإطاله ..


وأشكــــــركـــــم على سعة صدركم لقراءت الموضوع ..
((( منقول)))