رشيق الحرف والمعنى العميق وروعة التصويرربيع الشعر وشهور الربيـع وريحـة ازهـاره
عزيزة يامرابع نجـد مكانـك بالمحانـي كبيـرعلى قدك ربينا كبـار لجـل نعشـق بمقـداره
انا يانجد من صغري كبير ومانشيـت اصغيـرمدام ان الهوى نجـدي فنجـد كبـار اصغـاره
وانا يانجـد ماغيـر هوايـه موجـة التغييـرلاني اعرفـك يانجـد علـى العشـاق غيـاره
عجيبه نجد اذا غامت سماها وصبحت في خيـرمثل عذرا يصحيهـا عشيـق طالـت اسفـاره
مثـل رسمـة خياليـه وفيهـا غايـة التاثيـرمثل جنـة ومسحورة...(ابـد ..والله سحـاره)
اذا لبست حياها نجد عروس الكون نجد تصيـرواذا هاج الصبا في نجد,نجـد تصيـر عطـاره
عذبة فـي مرابعهـا ونديـه والشمالـي مغيـرفضاها يصير روحاني..كريمه تصيـر احجـاره
وانا اشوف الجمال اللي يصوغه مجكم التدبيـرولا املك فيه وجدان فضـح ماتخفـي اشعـاره
سحاب غرر الفيضة....وفيضة شاقها التغريـرحضنها وارتخت في شوق وهو مرخيبها استاره
يسوقه والي الرحمة..علـى دار هواهـا غيـريعانق فرحة الريضان ليا مـن هلـت امطـاره
غسل خـد يغازلها,حضنهـا ولابغـت تفسيـررخت له صدرروضتها ولثمها بصوب مـدراره
صبغ جنة خميلتنـا الخجولـة باحمـر النويـروهمس مع هبة الغربي لها في دافـي اسـراره
وهي في دلها تضحك ولاتقـوى علـى التعبيـروتفضح له عيون الروض وهو تفضح به انظاره
سجد زهرة البختري فيه وسبح به جناح الطيـروصلى الصبح بشروقـه ورا تكبيـرة اشجـاره
تنهظ مهرة اشعاري سحرها روعـة التصويـرسنود نـوب للمرباع..ونـوب تـروز محـداره
رشيق قدها ماهـي عـزوم ولاتبـي تضميـرشفوقه لروضة الاشعار سحرها جـو مضمـاره
وانا توه صفا جوي وجـاز لخاطـري التعبيـرعقب قفر سكن حالـي وحـال ظـاع باقفـاره
خذتني لجة الدنيـا ورا حـظ شكـى التقصيـروخذتني زحمة ايامي حسـب ظرفـي واقـداره
وخذاني داعي الذكرى ورا مـن مايبـي تذكيـرعظيم الشان في نفسـي رفيـع وعـز مقـدراه
الإهداءات
اخواني واحبائي احببت ان اختار لكم هذه الكلمات وهي عبارة عن قصيدة جميله
رد: اخواني واحبائي احببت ان اختار لكم هذه الكلمات وهي عبارة عن قصيدة جميله
العرض العادي
