هذي الطبخة أحب اسويها اذا قررت يوم أعزم بعض الاقارب او الصديقات المهم انها سهله حيل وما تاخذ وقت وحلوة والاحلى ان التارت هذا انا احط فيه خلطات مختلفة اللي يطري على بالي على طول أحطة والاحلى انه والحمدلله يطلع رهيب بس اللي مو حلو لما احد يسالني شلون صار جذي اقول ما أدري المهم انها تمر بخير ..
تارت السبانخ


المقادير

العجينه :
1 كوب طحين ابيض منخول ( وانا احب انخله مرتين)
1 باكيت **دة (113 جم)
1بيضة
2 ملعقه كبيرة ماء بارد
رشة ملح


الحشوة السبانخ :
1 كوب سبانخ
2 ملعقة اكل **دة سايحة
2 بيض
1\2 كوب جبن شيدر مبشور
2 ملعقه اكل قيمر(قشطة أو قشدة)
رشة من كل من (ملح - فلفل أسود)



الطريقة:

لتحضير العجينة:
- تقطع ال**دة الى قطع صغيرة ثم تضاف الى الطحين وتفرك باصابع اليد , ثم تضاف البيضة والملح والماء , ويعجن جيداً , تفرد العجينه في قوالب الكيك الصغيرة بسماكة قليلة , يوضع فوق كل قالب ورق مشمع وعليه بعض حبات الرز حتى يمنع انتفاخ العجينة , تخبز في فرن متوسط الحرارة لمدة 10 دقائق , يزال الورق مع الرز .

لتحضير الحشوة :
- يقلب السبانخ مع ال**دة على النار المعتدلة حتى ينشف تماما ثم يتبل بالملح والفلفل , يخلط بالخلاط الكهربائي البيض والجبن والقيمر ثم يضاف اليه السبانخ ويخلط جيداً ( ممكن الاستعاضة عن السبانخ مثلا بخلطة الخضار ) يوضع مقدار من الحشو على العجينه ثم يخبز في الفرن حتى تنضج جيداً ثم تقدم ساخنة .

تدرون عشانكم بس بكتب لكم هم حشوة الخضار اللي استخدمها باشياء ثانيه بعد احتفظوا بها تنفع بوووااايد خلطات مثل السمبوسه بالكريمه والشنقاري والالسبرنغ رول وصينية التوست والمعكرونه بالخضار ومعكرونة الخضار بالباشميل والسويس رول بالخضار وووو .. وايد غيرهم أذكرهم لكم تالي
المهم

الحشوة الخضار عبارة عن بصل شرائح + فلفل رومي بارد شرائح + جزر مبشور + ملفوف ابيض(كرومب) شرائح +( 2مكعب ماجي + 1 م ك بهارات + 1م ص كاري + 1 م ك فول الصويا )أو حسب كمية مقاديرك
الطريقة:
يوضع البصل على نار معتدله بيني وبينكم انا ما احب الزيت فاستعيض عنه بالماء حتى ذبول البصل قليلا ثم اضع المقادير الباقيه بالترتيب المكتوب حتى ذبول كل المقادير وكل ما نشف الماي زيديه شويه بس يعني مقدار اقل من ربع الكوب المهم حتى النهايه واذا بغيتي تحطين معاه دجاج مفتت ممكن ويصبح لديك خلطتين نصها دجاج بالخضار والنص الثاني خضار بس آخر شي اذا كان في الخلطة ماي يعني نسيتي وزدتي العيار شويه ممكن انك تحطينها بمنخل ناعم بحيث تصين الخلطة من الماء لان الماء ممكن يخرب لك العجائن خاصة الصينية وبس ..

* ملاحظة ممكن تسوين التارت بس وتحطينه في علبة خاصة للفريزر وتستعملينها وقت الحاجة خاصة حق رمضان بس لايطول التخزين عن اسبوعين لانها تفقد نكهتها .. و خلطة الخضار كذالك ممكن تخزينها بالفريزر لحين الحاجة على ان مدة التخزين ما تتعدى الشهر بس .. هذي النصيحه للموظفات والطالبات والعزابيه فقط .. ههههه ..

وآسفه على الاطالة .. وبالعافيه على الكل ..

 

 

 

 

يم يم يم جوعانه بروح اكل


الله يعطيك الف عافيه يالغلا


>>>>>>> ما اعرف اطبخ جيبي وصفات تجنن

 

 

الغاليه .. لهفة الشوق ..

هــــلابك أكثر ..

شكرا على مرورك وردك ..

ودمي بود ..


همسة غلا

هلابك يالغلا ..

الله عافيك ..

ولايهمك من ناحية الوصفات ..


كل اسبوع على الاقل بعطيك وصفة ..


لين تصيرين الشيف رمزي..



دمتي بود ...

 

 

وسايم

يسلموو خيوو على الوصفه

بارك الله فيك

وواصل ابداعك

تمنيااتي لك دوم الصحه

 

 

يعطيك الف الف عافية

وسلمت وسلمت اناملك

دمتي بود