اسمحو الى ان اهدي هذه القصيدة الى وطني الجريح و اتمنى وسع صدركم الي

و كأني بالعراق رجل سالت دمائه من كل جانب
ولا يزال يضمد الجرح الا وجرح بأخر
وقد مضى عليه زمن بعيد ولم يرى
ولم يرى ماذا حل بشكله الذي كان يبدو كأنه جوهره وسط اطنان من التراب

عاين ياوطن بمرايه حتى تشوف................ بس كونك تشوف مرايه مكسوره
لأن مرايه عدله ابد متفيد ........................ فطور المرايه توضح الصوره
تشوف النار وجت بيك من كل صوب..........تشيل الناس منك غصب مجبوره
ناس تبوگ منك ناس تنهب بيك................ وناس الزينه بيك تنام مذعوره
وعينك يا وطن بغداد رمده اليوم ............... كل يوم الصبح سياره مفجوره
لا كليه ضلت لا سلم تمثال ..................... لا شارع بقه ولابقت نافوره
باوع عدل بيهه ارجوك لا تخاف .............. لايهزك خجل والوجه لا تدوره
شنو هزك خجل لو صاير انته تخاف ........ لو ماعجبتك المرايه مكسوره
يا هو الي الك خوانك الباعوك.................. لو جيرانك الي خانو الجوره
چنت الفحل والزين بين الناس .................هسه انته العرج وعيونك العوره
الناس تموت مفرد احنه جمله نموت .......... اوياي على الشعب ما تخلص نذوره


بقلمي
ارجو ان تنال اعجابكم