من قصائدي


مصافحه اولى



جروحي تنزف احزاني ياقلب احترق
ياليل الشقا للعاشق اللـــــــــي همه براه

مابقى شي مــــــــن زينه الا وانسرق
ماغير زفرات ونه تذبحـــــــــه وترعاه

هم يسابق العبره والعنا اللــــــي سبق
كل (ن)حط الرحيل فـــــــي قلبه وعيناه

ياما كتبتك حبيبي في صفحات الورق
مااقسى ايدينك وهــــــــي تمسك الممحاه

ياما نزعت الخوف مــن عينك والقلق
ياشين طعون الظهر ياويلـــــــــي ويلاه

ياما فــــــــي بحرك عشقت انا الغرق
تحطم المجداف وتقـــــــول يابحر افناه

ياما زرعتك فــــي خمايل ورد وعبق
الله يجازي شوك ايديــــــنك القلب ادماه

ياما هديتك حب مذهب فـــــــي طبق
.وانثرك وابعثرك في يسار القلب ويمناه

ياما ارتعد قلبي فـــــــي هواك وبرق
واقفــــــى دمع القلم ينزف لوعه معاناه

حس فينـــــي...مايكذب انسان صدق
والله انـــــــــــي يالغضي حبك مانسيناه

وقت الهنا ياقصــره ماسرع ماافترق
ياطــول وقت مجروح(ن)يحتضن بلواه

صرختـــي يبغالها فم.. الشوق اختنق
ياكبر شوق(ن) فــــــــــــي الحشا منفاه

والله اني يالغلا وربي اللـــــــي خلق
ابــــــيك ترد يالهفه العاشق وسلواه

تشوف عبرات عاشق ودمـــع انطلق
تشوف شلون ونات القهـــــــــــر والآه

جف غصن(ن) خضر وطاح الورق
وجروحي تنزف احزانـــــــــــــي وفرقاه