اسعد الله ظهركم جميعا وصباحكم وليلكم وكل اوقاتكم انشاء الله وجعلها الله سقيا خير وعم بنفعها ارجاء البلاد

=======>> لو انا منكم ما اكمل الباقي على هالمقدم

مستحيل يكون في الدنيا هذي شخص تعيس طول عمره ؟
مستحيل ايضا يكون في الدنيا هذي شخص ماهوب ناجح في اي مجال ؟

علما بأن النجاح ماهوب بس بأنك تتوظف او تترقى لمنصب او تكسب اموال طائله .

بالعكس نجاحك في الدنيا يرجع لرضى ربك في البدايه ثم بعد ذلك والديك عنك فهذا هو الدرجه الاولى في النجاح بعد ذلك يا احبابي تلاقون اشياء كثير جدا جدا جدا تسبب السعاده لك . .

مثلا فيه ناس اسباب سعادتهم واحد من اصدقائهم طبعا الوالدين معروفين بأنهم اسباب السعاده لنا الله يخليهم لنا لكن نبغى نبعدهم شوي ونشوف من بعدهم هو سبب سعادتنا . .


انا سألت واحد من اخوياي عن سبب سعادته في هذي الدنيا قال لي تبي الصراحه ولا الكذب قلت الحين مشاورك علشان تقول الكذب قال لي بصراحه زوجتي (( قلت له ترا مالك 4 شهور متتزوج )) عاد عصب علي بصراحه وقال لي ياحبيبي (( اللي هو انا حبيبه )) السعاده في الدنيا مالها وقت وممكن تصير في فتره قليله انتا الحين وش يدريك ان ايامي الباقيه معاها يمكن تكون كلها سعاده ؟ ؟

بصراحه اقنعني ! !

وسألت واحد ثاني قلت له من هو سبب سعادتك في الدنيا قال بصراحه انا عانيت في هالدنيا و بصراحه الدنيا علمتني اشياء كثير منها انه ممكن يصير صديق افضل من الف اخ وممكن صديق افضل من الف قريب وهذا للأسف هو الواقع قلت له ليه تقول كذا

قال شفت الوضع اللي انا فيه (( وضعه جدا ممتاز من ناحيه الوظفيه والمنصب العالي وكاتب معروف وله مكانته )) قلت له ايه ماشاء الله عليك قال لي هذا ماوصلته ترا بنجاحي بالعكس فيه واحد من اعز اصدقائي واعتبره استاذي وسبب سعادتي وهو اللي مد لي يد العون والمساعده وفي لحظه حسيت اني اختصر مسافات كثيره ماكنت متوقع اني اتخطاها تخيل هذاك الشخص العاطل اللي جلس عاطل من يوم تخرج من الثانوي يصير الشخص اللي امامك ترا هذا يا فلان مستحيل جدا الا بإراده رب العالمين .. قلت له ونعم بالله . . قال لي اسباب السعاده كثيره لكن الاشخاص قليلين وهذا سبب سعادتي في الدنيا .


وفيه وحده سالتها قالت لي انا الحمدلله مبسوطه في حياتي وماعندي مشاكل لكن بالنسبه لسؤالك بصراحه جا في وقته قلت لها ليش . . قالت لي لان من جد في وحده ابغاك تعرف انها سبب سعادتي ومستحيل انها تتغير عن الشيء هذا وافديها بعيوني قلت من هذي ؟ ؟
قالت لي يمكن تستغرب قلت لا بالعكس قولي قالت لي ابلتي في الثانوي ابله الرياضيات قلت لها عـــــــــــــاد ابله الرياضيات (( ياكرهي لهالماده )) قعدت تضحك قالت وانا مثلك اعوذ بالله ماطيقها حتى بعد مقرفه وممله لكن مع هالابله تحب الارض اللي تمشي عليها وتحب صديقاتك وتحب المقصف قلت للدرجه هذي قالت اكيد قلت طيب كيف استمرت علاقتكم قالت انا كنت احبها من ايام الثانوي وكنت اعتبرها في مقام الوالده ولما عرفت انها تقاعدت رحت ازورها وصارت بينا وبينهم زيارات وطلعات وعرفتني على بناتها مره طالعين على امهم من ناحيه سعه الصدر وحسن التربيه وصارت علاقتي فيهم قويه جدا حتى مره قالت لامي نبي نضيف فلانه معنا في دفتر العائله بس قلت لهم لا علشان ماتكتتبون باسمي في الاسهم . . وهذي هي بصراحه سبب سعادتي .


احبابي اتوقع الرؤيه واضحه لكم وانا ما اطالبكم بالمستحيل بس بما اننا اسره وحده خلونا نفضفض ونطلع اللي بقلوبنا ومافيها شي اذا تنقلون مشاركات احبابكم وزوجاتكم وازواجكم واخوانكم واخواتكم وكل من يعز عليكم وتقولون لنا ان هذي فلانه او هذا فلان خلونا نستفيد من تجاربهم ...

طبعا بقول حاجه مهمه اللي يحبوني لاحد يقول انه انا سبب سعادته

==========>> ياشينك بعد

سؤال : -


مــــــــــن هــــــــــــو ســـــبــــب سعــــــــــــــادتك فـــي هــــــذه الدنيـــــــــــــــــــــــا ؟


وتقبلو تحياتي واحترامي
ه بس ترا لطيبه قلوبكم بتكملون

 

 

هوٍ الله الذي أحسن خلقي وخلاني مسلمآ حنيفآ

 

 

بسم الله
الله يعطيك الف عافية وربى مبيحرمنا منك
سبب سعادتى هو ان اكون بصحة من عند الله وان اعمل لااخرتى خيرا
وان اسعد والديا

 

 

 

 

الف الف شكر اخى

أبو عبدالله

طرحك للموضوع

واحب أرد عليم ان سبب سعادتى لغايه دلوقت

بعد ربنا طبعا

هو صحباتى واخواتى

نسمات الربيع وزمردة

وطبعا باقى اخواتهم وفرايبهم

يعنى من الاخر عليتهم كلها بعتبرها عيلتى بالظبط

وبحمد ربنا انه بعتلى العيله دى

عشان تكون سبب سعادتى فى الدنيا دى

لانها مهونه عليا حياتى كلها حتى الان

 

 

اخى الكريم

اولا أشكرك على موضوعك هذا

وثانيا من سبب سعادتى فى حياتى هو الله سبحانه وتعالى ثم ابنى ونور عينى واهلى وعائلتى

وآخيرا اشكر شهرزادى على ما قالته عنى

فما نقدمه لك من سعادة حبيبتى

ما هو إلا قليلا لما تمنحينا إياه دائما



خالص تقديرى لكل من مر من هنا

 

 

شكرا لك أخي موضوع جميل

أنا سبب سعادتي :أولا حينما ينتهي يوم كامل من حياتي أشعر به أنني ام أذنب ولم أعصي ربي

وكذلك سبب سعادتي كلمة أحبك حينما تصدر من قلب أمي او صديقتي أو أحد قريب مني

يسلمووووووووو على الموضوع

تحيــــــــــــــــاتي