مرحبا الساع اشحالكم عساكم ابخييييير كتبت قصه واتمنى تعيبكم




(عايلة بوراشد)

بوراشد : انسان طيب القلب لابعد حد ممكن يتصوره أي انسان حنون ومتفهم ويحب اعياله وايد ويحب حرمته حب كبير وعمره مارفض أي طلب لاي شخص يعطي ومايتريا رد على عطاياه كل اللي يتمناه انه يشوف البسمه مرتسمه على ويووه اللي يحبهم وخصه عايلته واهو وياهم شرات ربيعهم واخوهم وهب ابوهم وبس..


ام راشد : شخصيتها قويه ومتسلطه ذكيه وايد متفهمه ودومها اتحل أي مشكله يواجهونها اتموت في ولدها احمد لانه آخر العنقود ..

راشد : عمره 26 مزوج وعنده ولد اسمه حميد وبنت اسمها حمده رومانسي وايد وقلبه صافي شرات قلوب اليهال مايعرف الزعل ابد ايحب الشعر وايد وكل من يشوفه او ييلس وياه يحبه ويتعلق به ..

مايد : عمره 24 سنه مخلص الكليه ويشتغل في الشرطه تخصصه اداره ايحب البحر وامبونه يسير يصيد سمج دفش واااااايد..

هيا : عمرها 22 تدرس في الجامعه تخصصها قانون سمره وضعيفه وايد شعرها بني فاتح وعيونها عسليه وناعسات بعد اهيه دفشه شوي اتحب العلم وطموحه وايد ..

غلا : عمرها 20 تدرس في الجامعه تخصصها سياسيه رومانسيه ورقيقه واااايد وتثق في الناس بسرعه لطيبتها الزايده حساسه وايد دلوعه اهيه بيضه وخدودها دوم متورده شعرها قصير بني فاتح وعيونها كبار ووساع واتجنن وبعد عيونها لونها عسليه اتحب الحيوانات الاليفه وايد خصه الارانب وعندها ارنب ابيض اصغيييير وشكله حلوو وايد ..

أحمد : عمره 10 سنوات شكله ايجنن وسيم وايد شرات راشد ايحب الكشخه ايحب يلعب بس هب وايد اكثر شي ايحبه انه ييلس ويا الكبار..

(في العين بيت بوراشد الساعه 5 العصر في حجرة هيا )

غلا : هياااا

هيا: ويعه تويعج يالطمة شو تبين؟

غلا : (بجديه) عندج مقص ؟

هيا : شعنه قالولج انا مكتبه ابيع ادوات دراسه..

غلا : لا ابى المقص عسب اقص لسانج عنبوه مطوله من وين وارثتنه؟؟

هيا : (تظهر لسانها حق غلا) سخيفه وتلوعين بالجبد..

غلا : الموووووووهم هب موضوعي هذا سمعي بتيين ويايه بيت خالتيه من فتره هب شايفتنهم خصه مريوم..

هيا : مابى مالي خلق اظهر؟!

غلا : ( واهيه زاخه خصله من شعرها وبدلع) بلييييييز تعالي ويايه ابى اسير الله يخليج انتي ختيه حبيبتي..

هيا : (رافعه حياتها ) هكووو الدرب جدامج سير محد قابضنج عن تسيرين(واهيه تاشر بيدها صوب الباب..)

غلا : (وخدودها متورده واهيه اتقلد رمسة اليهال ) مابى اتحي الوح بلوووحي..

هيا : (واهيه معصبه من اسلوب غلا) في شوووه افرج ابى شي حاد عشان اتموتين مره وحده وافتك منج..

غلا : (بكل برود وباللهجه المصريه) ياماما دانتي سفاحة الإسكندرية..

هيا : ( تزاعج ) فارجي وسيري ويا احمدووو( واهيه اتنش وتظهر غلا من شعرها برع الحجره من زود مانرفزتها..)

غلا : اخر مره ارمسج ماحبث انتي وحث ...

هيا : ابركها من ساعه ( واهيه رافعه ايدها جنها بتدعي) احمدك يارب..

غلا : ( نزلت جان اتشوف مايد يالس في الصاله )

مايد : بلاج جيه مبرطمه؟!

غلا : ( محرجه لانها تبى اتسير بس هيووو ماتبا اتخاويها بيت بنت خالتها ورفعت اكمام بيجامتها ويلست اتجلب في القنوات ..)

مايد : ( واهو يبتسم بخبث ) حد ه**ج ؟؟

غلا : لم ثمك يالسخيف ..( وكملت اتجلب في القنوات ..)

مايد : سباله وسبال اللي يرمسج ويسويلج سالفه ( وسار حجرته واهو يتهندق )

غلا : (ضحكت بصوت عالي ) هاهاهاهاهاااي حد ايقول عن عمره سبال صدق انك خبل ياميووود..

احمد : غلااا..

غلا : خير بعد اشعندك انت؟؟

احمد : تعالي ويايه بنلعب كرة سله الله يخليج ..

غلا : ممممم (ونها تفكر وتتطالع فوق وتحت ويمين ويسار واهيه اتسوي حركات بعيونها )

احمد : لاترديني الله يخليج..

غلا : زين لاتحشرنيه يالله امش جدامي اشوف ( وسارت في الحوي تلعب ويا احمد وكل شوي اتزاعج عليه) احمدووووو يالغبي لاتفر الكره بعيد..

احمد : انتي بروحج بقره ماتعرفين تلعبين ؟

غلا : (تربع وراه والله بجتلك الحينه انا البقره وجان اتزخه من اذونه والله بجتلك منو البقره يالثور..

احمد : آآآآي يالكلبه ليش اتعضين واهو مستغبن اماااايه لحقي علي..

(فجأة سمعوا صوت رجولي ايقول احم احم ..)

غلا : واهي اتشوف كندوره بيضه ( واهيه متروعه ومتاكده انه الريال هب اخوها واهيه هب رايمه ترفع راسها من زود ما اهيه مفتشله من شكلها ببيجامه ومن دون شيله)..

احمد : (فاج ثمه) حمدان ولد خالتيه ..

غلا : (من سمعت اسم حمدان ربعت داخل البيت وسارت حجرة هيا وبندت الباب ويلست على الارض واهيه تتنهد ..)

( في الحوي في بيت بوراشد )

احمد : انت ليش ماتدق الباب يوم بتدخل بيوت الناس هاا؟؟

حمدان : انا دقيت بس انت ماسمعتوا خخخ..

احمد : زين حياك الله..

حمدان : احمدووو بلاك جيه ويهك غادي احمر وحالتك حاله ( واهو يضحك على شكل غلا يوم شافته)..

احمد : هذي غلووو مستجلبه وتتضارب ويايه تتحرا عمرها محمد على كلاي..

حمدان : عيب اتقول عن اختك جيه..

احمد : اووووه سير زين ..

حمدان : (ميت من الضحك على احمد لانه محرج) زين مايد وينه؟

احمد : مدريبه وينه ؟؟

حمدان : سير شوفه وين وقولي اني اهنيه ..

احمد : ع شرط..

حمدان : سير ويا ويهك هب ياي اطر منك يالهرم سير ازقره بسرعه بعد احمدوو ويتشرط علي .

احمد : بتشوف والله يوم اغدي شباب وانت شيبه شوبسويبك واهو مظهر لسانه حق مدان ..

حمدان : (منقهر) دخل الصاله ويلس ..

(في حجرة هيا )

غلا : هيووو بموت ياربي شفته علني افداه..

هيا: احيد قلتي مابترمسيني ( واهيه زاخه القلم وتكتب )

غلا : فديتج والله اسولف وياج (واهيه تبتسم حق هيا ابتسامه من قلبها بس لانها شافت حمدان )

هيا : زين حضرة السنيورا بلاج مستانسه ؟؟

غلا : والله احبه مووووت ياهيووو...

هيا : منو حمدانووو؟؟

غلا : لو سمحتي لاتغلطين هذا الشيخ حمدان عبدالله الكعبي ..

هيا : اهااا شي جيد بس شيخج بروحج ..

غلا : بس تدرين مفتشله لانه شافني اتضارب ويا احمدووو الحينه بيقول عني هذي ياهل ..

هيا : (باستهبال) امبونج ياهل ...

غلا : بنزل تحت اسلم عليه (واهيه تغمز حق هيا ..)

هيا : مشكله اللي يدخل عالم الحب اخافج تينين علينا ..

غلا : هيه والله صدقج هالانسان خبلبي يعلني ماخلا منه ياربي (ودخلت خذت شاور واتكشخت..)

هيا: ياسلام شكلج كووول..

غلا : يالله (وظهرت )..

هيا : اتريي اخافج تفضحينا بشي بيي وياج ..

غلا : انزين (واهيه بطير من الوناسه دخلت المطبخ وقالت للبشكاره اتزهب الجاي والقهوه والفاله)

هيا : غلا يالله انودي الجاي والقهوه ..

غلا : متوتره ... لحظه هيا شكلي اوكي ..

هيا : هيه اتجننين اسميه بيتخبل عليج..

غلا : فديتج والله وجان اتبوسه هيا ...

أحمد : (شافهن وقرب صوبهن ) لحظه غلووو عطيني بشله عنج ..

غلا : شلك عفريت ان شاء الله ( محرجه ) الحينه ظهرت البطوله والرجوله خوز من جدامي انا بوديه الريال من نص ساعه اهنيه ..

احمد : انزين انتي ماتستحين هاتي انا بشله ماعندنا بنات يلسن ويا الرياييل منقود..

غلا : هيووو اتصرفي وياهالياهل عن ارتكب فيه جريمه احينه ..

احمد :اعرف ليش انتي تبين اتودين الجاي والقهوه اعرف (واهو رافع حياته )

غلا : (تتطالع هيا) قلت لك خوز من جدامي احسن لك ..

احمد : بتشوفين انا اخوج وماتسمعين رمستيه زين كل هذا بيوصل عند ابويه..

غلا : (بصوت شوي عالي )انجلع..

احمد : (ربع وسار يلس في الحوي )


اترييييييوا التكمله ولسموحه

شــــــكــــرا

يعطيكم العافية ع المرور والتواصل

غلا وهيا : (دخلن) السلام عليكم ..

مايد وحمدان : وعليكم السلام ..

حمدان : (واهو يطالع غلا) اشحالكن عساكن طيبات طاب حالكن ..

غلا : (مستحيه) الحمدلله ابخير وسهاله..

هيا : اشحال خالتيه ومريوم شعنه مايبتهن وياك ..

حمدان : بس كيفي .. (واهو يبتسم )

مايد : هيووو وين امايه ؟؟

هيا : ظهرت ويا ابويه ..

حمدان : وبعد شو علومج غلا ..

غلا : تمام الله يسلمك ..( فقلبها فديتك روحك والله)

حمدان : (يبتسم ) يلسن شعنه واقفات..

هيا : لا نحن بنسير يالله غلا ..

غلا : (تتطالع هيا يعني انها ماتبى اتسير )

هيا : (زختها من ايدها ) يالله السموحه ولد خالتيه ..

حمدان : بالحل ..

غلا : (مبرطمه) انتي شعنه جيه سويتي حرام عليج حتى مايلسنا 5 دقايق..

هيا : بس اشو تبين تسوين بعد عنبوه قوة ويه (واهيه تصعد الدري سايره حجرتها )

غلا : (سارت الحوي تلعب ويا الارنب )

احمد : انتي ايه شو كل مكان اسير تلحقيني شو تبين انتي هااا...

غلا : شوف حبيبي ماحيد البيت بيتك بروحك زين فقصر لسانك عن أي اقصه لك..

احمد : جب جب يالله..

غلا : لو فيك خير عيد رمستك شوف شو بسويبك ؟!

احمد : (لبسها وظهر برع البيت )

( الساعه 8 ونص المسا في بيت ام حمدان )

ام حمدان : عمرها 36 سنه اكبر اعيالها حمدان حبوبه وايد تنحط على الجرح يبرى انسانه حنونه وكلها طيبه واحساس..


بو حمدان : انسان عصبي وايد ومزاجي مزوج على حرمته ام حمدان بس ماعنده اعيال من حرمته الثانيه مايرفض أي طلب لعياله بس ويا ام حمدان كل شي يتغير ويتحول الى مشاكل ..

حمدان : نسيت اخبركم عنه شوي عمره 20 يدرس في الجامعه تخصصه هندسه رومانسي وطيب بس غيور وااااايد على غلا اهيه محيره له ويحبها من يوم هم اصغار والكل يدري بحبهم شكله ايجنن ابيض شعره اسوود وعيونها اكبار واتجنن فيه غمازات ..
مريم : عمرها 17 ثانويه عامه جميله واااايد ذكيه اتحب التصوير الفوتغرافي وتعشق الكمبيوتر بكل مافيه ..

حصه : آخر العنقود عمرها 10 سنوات شكلها غير عن مريم وحمدان سمره وملامحها بريئة وايد اتموت في غلا ..
مريم : امايه شوفيج ضايج خلقج اليوم ؟!

ام حمدان : ماشي ( وسارت حجرتها )..

مريم : (سارت ورا امها ) امايه انا هب ياهل قوليلي شو اللي مضيج بج اكيد ابويه امايه قولي ابويه غثج صح ..

ام حمدان : اهم شي راحتكم انا هب مهم اذا مضايجه او مرتاحه في حياتي ..

مريم : امايه انتي شعنه جيه ترمسين شو صاير دخيلج قوليلي ؟؟

ام حمدان : جانج تبين راحتيه ظهري وخليني ايلس بروحي ..

مريم : امايه فديتج لاتصيحين محد يستاهل هالدموع الغاليه ..

ام حمدان : خلاص امايه ( واهيه تمسح دموعها ) سيري زهبي العشى ..

مريم : ان شاء الله الغاليه ..

(في بيت بو راشد الساعه 10 المسا )

غلا : ( يالسه حذال امها واخوانها وولد خالتها واهيه مستانسه وتتطالع حمدان )..

ام راشد : هيا وينه اخوج ؟؟

هيا : منو امايه ؟؟

ام راشد : احمد ..

هيا : مدريبه يمكن راقد ..

غلا : حليله ماتعشى بعد ..

هيا : كله منج ..

حمدان : فديت حمود والله انا شفته معصب عشان بعض الناس واجعوه (واهو يطالع غلا ويبتسم )

مايد : هيه والله مايستحون ومايحترمون حد ..

غلا : ( مستغبنه عسب رمستهم خصه حمدان )

ام راشد : (فاجه ثمها ) فديت ولديه منو اللي واجعه؟؟

مايد : وحده شريره يالسه حذالج ..

ام راشد : غلااا( واتزخها من اذونها) انتي الحينه ماتستحين اتحطين عقلج بعقل ياهل هاا عنبوه عقدتي الولد زود انه مايدانيج ...من كثر ماته**ينه..

غلا : (محرجه وتتطالع حمدان بنظره غضب )..

حمدان : (حب ينسحب بعد نظره غلا نش وزخ مايد )يالله ولد خالتيه انا بسير ..

ام راشد : جيه ياولديه ايلس تو الناس ..

حمدان : شو اسوي خالتيه من زمان انا اهنيه وانتي كنتي محد يالله ان شاء الله مره ثانيه ..

ام راشد : على راحتك يالغالي سلم على امك وخواتك ..

حمدان : يبلغ ان شاء الله ( واهو متلوم على اللي قاله عن غلا ) فمان الله ..

هيا : سلم ع مريوم ..

(الساعه 12 الليل في حجرة غلا )

غلا : (ادق في ساره طوط .. طووووط ).. الووو

ساره :عمرها 20 تخصصها اهيه بعد سياسه قصيره وضعيفه بس حلوووه وايد وشعرها بني فاااتح وطويل بس هب ناعم كشه لووول بس حلووو وايد عيونها اكبار ووساع ولونها بني فاتح بعد اهيه ربيعة غلا الروح بالروح من يوم هن اصغار وبنفس الوقت اتصير بنت خالها وبنت عمتها ... ساروو مغروره وقاسيه ودلوعه واتحب تشارك غلا كل شي..
ساره : هلا وغلا حبيبي .. فديت هالحس ياربي ..

غلا : اشحالج سارونه (واهيه اتصيح)

ساره : حياتي شو بلاج شعنه اتصيحين ؟!

غلا : ساروو اتخيلي حمدان شو سوابي اليوم اهئ اهئ ..

ساره : بندي السمفونيه عسب افهم .. شو سوى؟؟

غلا : والله انه قهربي (واتقول السالفه حق ساره )عنبوه رزة ويه السخيف الغبي..

ساره : سمعي شو بقولج طرشي له مسج واكتبي لاتفكر اني مضايجه او منقهر عسب اللي سويته تراك كلك على بعضك ماتهمني ..

غلا : لااااااااا حرام فديت روحه بيزعل بيتحرا انا ماحبه وماهتم له ..

ساره : حبيبي عسب تقهرينه شرا ماهو سوا بج خلاف قولي انج سويتي جيه عسب اتردين الحركه اللي سواها بج يومنه قهرج فهمتي ؟؟

غلا : اوكي بطرش له مسج انزين اخبرج باجر تعالي اتغدي بيتنا اوكي ..

ساره : اوكيك حياتي من عيوني ..

غلا : يالله سلمي على هلج..

ساره : ان شاء الله وصل السلام هكووو حذال بيتنا ههههه

غلا : تضحكين من دون ضروس ان شالله ..يالله فداعة الرحمن..

ساره : بباي حياتي ..

(يوم الاثنين الساعه 10 الصبح في الجامعه )

غلا : (يالسه في الكافيتيريا تتريا ساره ) مففف وينها هذي بعد ؟؟

هيا : (دخلت الكافيتيريا جان اتشوف ختها غلا يالسه بروحها قربت منها ) بوووووه

غلا : بسم الله انتي من وين ييتي ؟؟

هيا : من الجامعه بعد من وين يعني ؟؟

غلا : شو ماحيد عندج بريك احينه ؟!

هيا : الدكتور محد اليوم يالله احسن عسب اسير المكتبه ..

غلا : يلسي زين شعنه واقفه ؟؟

هيا : ( يلست) شو اشوفج اليوم بروحج وينهن ربيعاتج عنج ؟؟

غلا : (تضحك ) اتريا سارو بنت خالتيه ..

هيا: (نشت ) عيل انا بسير مالي خلق اشوفها..

غلا : فديتها والله انتي شعنه جيه ماتدانينها ؟؟

هيا : والله انا كيفي حره اسوي اللي يعيبني هب شرط احب كل شخص انتي تحبيبنه..

غلا : ( رافعه حياتها) هيووو بتسيرين على راحتج بس لاترمسين عن سارو جيه زين ..

ساره : (وصلت الكافتيريا وبصوت عالي ) هلا ويامرحبا ملاييين ببنات خالي ..

غلا : مرحبا بج حياتي ..

ساره : فديتج ولهت عليج عمري ..اشحالج هيا ؟؟

هيا : الحمدلله يالله السموحه انا بسير ..

ساره : جيه ؟؟ يلسي ويانا ..

هيا : لابسير المكتيه ويا ربيعاتيه ..

ساره : اوووه خساره كنت بيي وياج عسب اتعرف على ربيعاتج ههههه..

هيا : ( انقهرت من رمستها ) قري مكانج (وسارت)

غلا : عنبوه انتي تقريبا كل بنات الجامعه تعرفينهن ..

ساره: (تضحك) شو اسوي بعد العب عليهن خخخخ..

غلا : يوزي عن هالخرابيط ونشي انسير نتمشى مليت من اليلسه اهنيه حشره وايد ..

(في بيت بو حمدان )

حمدان : مريوومه وين امايه مايت تغدى ويانا ..

مريم : امايه مدريبها من البارحه واهيه مضايجه ...

حمدان : زين انا بسير اشوفها ..

مريم : مابطيع اتقولك شي ... انا حاولت وماقالت لي ؟!

حمدان : انا غير عنج ..

مريم : يالله سير بنشوف كيف انت غير ..

(في حجرة ام حمدان )

ام حمدان : (منسدحه على شبريتها ودموعها تنزل بحراره ع خدها من الغصه اللي فيها) ..

حمدان : (دق الباب ودخل) .. الغاليه امايه ..

ام حمدان : (ماردت عليه) ..

حمدان : (يلس حذالها على شبريها وباسها على راسها) فديت اللي متضايجين انا ..

ام حمدان : (تمسح دموعها) فديت روحك انت ييت ..

حمدان : هيه بس مارمت اتغدى من دونج فديتج نشي تغدي ويانا..

ام حمدان : (وقبل ماتمسح دموعها) ..

حمدان : (مسح دموعها اللي ع خدها بيده ومسحها عراسه) فديتج امايه شعنه هالدموع؟؟

ام حمدان : ماشي ياولديه ..

حمدان : امايه لاتخبين عني انا اعرفج اكثر عن أي انسان في هالكون ابويه مضاينج صح ..

ام حمدان : (بعد صمت) حمدان ابوك يكرهني..

حمدان : ( مضايج) مايكيفيج اني احبج اكثر عن الكل...

ام حمدان : علني ماخلا منك ياولديه ..

حمدان : نشى الغاليه عسب نتغدى ..

ام حمدان : هب يوعانه ياولديه ..

حمدان : عشان حمدانج يوعان لازم اتنشين تتغدين وياه ..

ام حمدان : ( نشت) زين يالله حبيبي سير الحينه بيي..

( الساعه 2 ونص حذال بوابه الجامعه)

هيا : اخيرن عنبوه ساعه يالسه اتريا ..

غلا : هههههه كنت اتريا ساروو عسب جيه بطيت ..

ساره : يالله نصعد الموتر بصراحه انا ميته من اليوع ..

غلا : ( ايرررن تلفونها جان اتشوف المتصل القلب واهيه تتطالع ساره)..

ساره : (خذت الموبايل يوم شافت المتصل القلب عرفت انه حمدان ابتسمت واهيه تتطالع غلا )

هيا : بلاكن هااا ..

ساره : سلامتج ههههههه..

(في بيت بوحمدان )

مريم : (سارت حجرة حمدان جان اتشوفه يالس على شبريته ويطالع الموبايل ) احم يييت اسولف وياك ..

حمدان : مالي خلق سوالف ..

مريم : افاااا ليش مضايج عشان امايه كانت مضايجه ..

حمدان : مضايج عشان امايه وعشان شي ثاني ..

مريم : (بفضول ) شووو هالشي ؟؟

حمدان : منقهر من بنت خالتج ..

مريم : منوو غلا ..

حمدان : يس ..

مريم : شعنه ؟؟

حمدان : (ايقول السالفه حق مريم ) وبس بذمتج هذا شي يزعل ؟!

مريم : حليلها والله اكيد مايزعل بس انت تعرف غلا حساسه وايد ..

حمدان : الصراحه انتن البنات ماتنعطن ويه سخيفات ..

مريم : يعني غلا سخيفه ؟؟

حمدان : هيه سخيييييييييييفه سيري قوليلها اني قلت جيه عادي عندي زين ..

مريم : يومنها سخيفه ليش اتحبها ومضايج بعمرك عشانها ؟؟

حمدان : كيفي حبيبتي وانا بقول عنها اللي اباه ( واهو رافع حياته)

مريم : ياخي برايك زين ..( وسارت عنه)..
..



واترييوا التكمله لكم مني كل الود