اخي المسلم أختي المسلمه ...

نظرا لأن العيد سوف ياتي هذه السنه بعد رمضاان مباشرة....حبيت أضع لي بصمه هونااا>>((حشى شمااغ البسام 11 (يارب العجلان يقرأ موضوعي عشان يصرف لي شماغين مجانا لزوم العيد مسويلة دعايه موب هينه) فأقول لكم شمااغ البسام ترى أحسن حاقه ترى أنا ألبسها..(بعد هذي اربع شماغات ولا تهون يبو عجلان)

المهم هذا ليس بموضوعنا..ولا بعيديتنا لكم..

حبايبي الاعضاء الموقرين... من ابو نجمة لبو عشرة نجووم تتلألأ تحت اسمائكم..

سولافتي اليوووم طوووويلة... وعشان نفتك من دعاويكم ونقلل فواتيركم... حبذا تقطع الاتصال وتواصل قراءة هذه السولافة..

اليوم راح أغير من نمطي وأبين لكم بعضا من مواهبي المدفونة>>>>أقول أخلص ياشكسبير للعداله




...................... تنبية...................

أن الأشخاص الموجودين في هذه السولافة غير حقيقين ولا نقصد بهم أحدن انما هي من وحي خيال الكاتب(أخس يا أنا)

وننبه أننا لا نقصد بأن جهويل هو محمد العتيبي أبدن بتاتا البتة.... ولا أحد يقول بأن أبو خشم هو مكتف نملة..

يالربع القصه خيال في خيال...>>>>موب عاقل كاتب مسلسل الأمبراطوره هههههههههههههههههههه


قطعتو الاتصال ... أذن هيا لنبحر في هذه القصه..واللي بيخاويني حيااااه



...البـــــــــــــــــــــــــــداية...

_ 1 _

هاهي 1007 من الأعوام العجاف تمر شاهدة على احدى القصص البطولية اللتي لم ولن يرى التاريخ مثيلاً لها..

لنعيد عقارب الساعة الى الخلف قليلا ويقف كل منا شاهداً حيا على هذه القصه البطولية....


اللي يبي يطالع في القصه بعيونه ويبي يشوف أحداثها فضلا...يضغط هنا

(( أن ضغطت فتلك مصيبة وان لم تضغط فالمصيبة اعظمو))..


الزمااان/ 9 – 9 – 999 م
مداخله
(في هذا التاريخ كان الكابتن ماجد عبدالله بيعتزل الساعه 9 وتسع دقايق... بس يقولون أن الملعب اللي كان بيلعبون فيه المباراة جاء واحد وفحط فيه ! خبركم الملاعب كانت ترابية وماكان فيه حواجز تمنع العابثين بأمن الملاعب....وعلق الأخ عدنان جستنية على الحادثة أيام كانت الجرايد في ورق الشجر بأن اللي فحط هلالي الميول واللي مرسله سامي الجابر عشان يخرب على ماجد فرحة أعتزاله؟؟
المهم يقولون أن مارادونا زعل لأنهم أجلو الحفل وطاااح في المخدرات من عقبها لين مسكووه تالي.. وأن بيليه أعتزل يووم اجلو الحفل.. وروناليدنهو طلق بأنه ما يحلق شعره لين يسوون حفل لأبو عبدالله>>لا والله ابطيت ما حلقته ياروني...
وعشان كذا أجلو الحفل لتاريخ 9 – 9 – 1999 م الله يلحقنا وياكم هالسنه بالخير)

.......... عودة للسولافة.....

المكان//

تقودنا خطانا عبر ممر ضيق بين خيام متكدسه جنب بعضها كأننا في الصناعية القديمه لتدخل بنا الى مبنى

متهالك وتواصل الكسير الى داخل فصل دراسي مغبرو الطلاب جالسون على كراسيهم بكل أدب كالعادة... في

الزاوية كان يجلس طالب تبدو على ملامحه آثار الزحف والعربجة كان متكئ بكرسية على الجدار الذي كان

مليان بالشخاميط وقلوووب الحب اللي مخترقته أسهم وينقط دم وكان أبو الشباب داق البكاريه((البكاريه : هذه تشخيصه بالشماغ بصمة صفر تدل على أن صاحبها بلغ به الزحف مبلغن واجد وتشاهدها بكثرة في مدينتي الطايف مكه)) وشكله كان في سابع نومه والدليل سعبولة تتدلى من طرف شفته اليمنى...تشك (صورة للإثبات)

فجأه أرتفع صوت مجلجل من مقدمة الفصل........؟


جهوووووووووووويل ..جهويل قم يامال القمة....!

دريدووووووووووووب وقع جهويل من كرسيه مرتاعا... ليتردد صدى قهقهت الطلاب الفصل وضحكاتهم تعلو

المكان......>>>> تبين تالي(يعني فيما بعد بان اللي طلع الصووت هو الاستاذ ابو خشم)

نترككم مع السولافة وأبطالها...

جهويل/ هين تضحكون خلوا أبو خشم يطلع يالجياكر (صورة)>> نظرة حاقده على كل من الفصل

ابو خشم::الاستاذ::/ وراو نائما وانا أشرحو الدرسا يا جهويل >>>> وانا أقول ليه طلابنا منتكسه لغتهم البركه في أبو خشم وأمثاله

جهويل / يا أستاد ما كنت نائم بس كنت أسوي بروفات للمسرحيه اللي بآخر السنه علشان أتقمص الدور صح وأتقنه..

أبو خشم/ صدق يا جهويل... يالله علمني بتفاصيل القصه هيا يا غلام ====>(زلابه مشت عليه)

جهويل / (بدأ يتغلى ويستلكع) لا لا أبلى رمانه قالتلي خلني ادري انك قايله لأحد والله لا أحوس مريرك...

((ملاحظه))
... للمعلومية اللي كانو يعيشون وقت حدوث هذه القصه كانو يسموون بناتهم بأسماء الفواكه حسب جمالها وهي صغيره...
...للمعلومية ثانية كان مسموح عندهم بالاختلاط في المدارس

أبو خشم / وشووووووووووو أبلى رمانه ..>>يحلفوون بان اللي كان بالفصل كانو يشوفون رئتي ابو خشم من قوووة فتحة فمه..

جهويل / استاد عاد خلني أكمل عمل بروفاتي ولا تزعجني

لؤي/ يا معلمي الفاضل هذا الطالب أعتقد انه يكذب

جهويل/ (وهو رافع آخر ثلاثة أصابع من يده اليمنى) هين يالخكري في الطلعه وأدخل يده في مخباه وطلع (فاين فافا) وبدأ يلوح به متوعدا لؤي بأن يصفقه بها الفاين لين يعرف وشوله يتليييقف

لؤي / أحس برطوبه تحت كرسيه وبدأ ينتفض ويدعو الله بأن يهدي جهويل ويضربه هذه المره بكلينكس

>>>>خرج المعلم من الفصل وهو غادين تطلي...

ابو براطم / لا توصخ يدك ياجهويل في ذا الخكري اتركه الضعيف طالع كأنه جوال حاطه على الهزاز>>> يقاله أنه ينكت ..((( ابو براطم هذا صديق جهويل صحيح زلابه وجهويل دايم يهبكه ويوخر عنه ومن كثر ما نكبه جهويل تعرض للتكفيخ غير مره وصارت براطمه تكبر مع كل هوشه وصار يكره الطقااااق)))...خلصت المدرسه وطلع الطلاب من فصولهم...

اااااااااااااااااااائئئئئئئئئئئئئئئئئئئئئئئئئئئئئئ ئئئئئئئئئئئئئئئئئئئئئن>>>> هذا لؤي شاطفني يمشي مليونين منحااااااااش (يالله نروح لأحداث القصه)

لؤي/ يركض بسرعه واجد ويطالع يمنة ويسره لئلا يراه جهويل فيكفخه

ركب لؤي البغلة حقته السبعة والتسعين وكانت فل أوبشن (سرج جلد - مكيف – مرايات زينون – لوحات مميزة) وقال هيا يابغلتي الفراااااااااااااار وانحااش لؤي>>> (ما تحسون أنكم تتابعون الزير سالم يلعن أبو هيج حبكة درامية...)

شوي الا وهذيك البراطم اللي اشوفها طالعه من باب المدرسه ..أثاريه ابو براطم مع جهويل..

جهويل.../ وهو متوحشا الفاين وشماغه على كتفه وين الخكري ...وينه

ليمونه/ (هي احدى زميلاتهم في الفصل ..هماني قايلكم الاختلاط كان مسموح) .. تكفى يا جهويلوووووو ((>>اسم الدلع حق جهويل وللمصادفه اسم الدلع حقه اشين من اسمه( انا من وين جبت هالاسم ههههههههه)))
اعف عنه وسامح تراه مسكين وزلابه شفه انحاااش الرخمه..

أنــــا / اسمع يا جهويل قال الرسول صلى الله عليه وسلم ( ليس الشديد بالصرعه إنما الشديد الذي يمسك نفسه عند الغضب).. والعفو عند المقدره ياجهويل وهي من أنبل الخصال اللتي أوصى بها الرسول صلى الله عليه وسلم..>>>> هالكلام موجه للجميع مو جهويل وبس

جهويل / من انت يبو >> يقصدني

انــــا / وانت شكو اقول اسمع النصيحه وطبقها

انــــا بعد / يالله كملو قصتكم

جهويل /(ضاعت علومه لما شاف ليمونه وراح زيبادي.. شكلهم موب متعودين على خير كل ما شاف واحد منهم بنت راح فيها) ترى هالمره بس ياليمونه سامحه عشانك والامره ثانيه بلعن والديه بفاين روول>>جهويل اقتنع من كلامي بس يبي يشبك ليمونه حركات الشباب فاهمينها..


_ 2_

مضت الايام تتلوها الايام لتتلوها بعد ايام والايام نلحق بعضها.. وتخرج الطلاب من المدرسه وكلن عاد لقبيلته..وبعد 15 عاما..

هيا نشووف الطلاب وش صاروا بعد كل هالسنين...!

جهويل...رس مغوار لا يشق له غبار يتميز بالحنكة والصبر ورباطة الجأش ( كله من نصيحتي) وصار شيخ قبيلته اللتي تدعى البطاريق..

لؤي...و متنوم في مستشفى الأيمان نتيجة تعرضه لكعب مقاس 42 حينما حاول ان يفازل احدى بنات القبيله

اللتي صار عليها شيخا واسم قبيلته الخكاريه.. ولا زال يكره الفاين بعنف...

ابو براطم....شركة دجو,,عاطل وصار أشهر حرامي في البلد .. والعناية الآلهية انقذته كذا مره من المووت مره

طب من الدور99من أحدى الخيام في وسط المدينة ولكنه قام سالمأً واخذ يهرول منحاشا بعدما طاخ على

براطمه...(ماجد كان بيعتزل في 99 ذي بس أجلوه لما 999 ههههههههههه تحسون اني قاسي على ماجد)..

ليمونة .... دكتورة محطرمه واصبحت أشهر حكيمة بين العربان وصار المرضى يتوافدون اليها من كل حدب

وصوب ويقولون أنها فتحت قناة عشان تعالج الناس بالدش لانها ما تلحق عليهم..

ابو خشم .. رمانه / صارت بينهم قصة حب اسطوريه وصار الرواه يتناقلونها ويقولون ان فيه راوي موب ثقه

غير اسمائهم حط ابو خشم(روميو) ورمانه (جوليت) وصار الناس يتناقلونها حب روميو وجوليت ..

وهي المفروض ابو خشم ورمانه..يعني قصة روميو وجوليت سارقينها من قصتي حسبي الله عليهم هالغرب ما

خلو لنا شي الا وسرقووووووووه...


- 3 -


في أحدى الليالي الحالكة الظلام و عواء الذئاب يتردد صداه في انحاء من الجبال الغربية الشمالية للقريه >>(تؤثرت كثيرا بهذا الوصف باللهي يامخرج موسيقى حزينه)

وجهويل مشغل اغنية الأماكن >>(لو فتحنا الثلاجه أعتقد راح تطلع لنا هالاغنيه) وكان متكئ على مركااه..

وأذ بصوت حرمه تصييييييح واشق جيباااه ياويلي ويلاااااااااااه يالهوتي >> كوكتيل لغات الأخت..

جهويل / زبنتي يا بعد روحي زبنتي..(شكله قبل يشغل ابو نوره كان مشغل خلف بن هذال)

وكان من عادات العرب هذاك الحين ما يسئلون الدخيل عن ما جرى له الا بعد 3 سنوات... ومع الايام سوو عليها تخفيضات الين صارت بمسلسلات بعد المغرب 3 أيام ولازالت التخفيضات جاااااريه...

وبعد انقضاء مغرب آخر يوم من هالـ 3 سنوات >>>> مسرع راحت <<<< وش دخلك..

أمر الشيخ باحضار الحرمه..

الشيخ جهويل مخاطبا الحرمه / أنا بسعلس كم سعوال ؟ ( الله ينكب عفشك يبو خشم هذا آخر تعليمك)

الحرمه / اسئل يا شيخنا

جهويل / وهو يداعب ***وكته اللتي تشبه اسمه .. عللي : وش اسمس؟
( الجماعه كلهم متهولين من علم وثقافة وحنكة جهويل وتساسرون فيما بينهم بأن هذا كله من التعلووم )

الحرمه / ريهام يا شيخ من عرب الشيخ لؤي ..>>>( بعضكم بيسوي فاهم ويقول ريهام موب فاكهه ... وانت قلت ان الحريم كلهم بأسماء فاكهه... الجواب/ ريهام فاكهه بس منقطعه عن السوق منذ زمن)

جهويل / جاوبي على قد السعوال >>> هذا آخرة اللي يتابع ال